இறால் சுக்கா மசாலாவை இப்படியும் செய்யலாம்.. சுவை செம கலக்கலாக இருக்கும்..

அசைவத்தில் அனைவருக்கும் மிகவும் பிடித்தது இறால் என்று கூறலாம். அதுவும் குழந்தைகளுக்கு மிகவும் பிடித்த ஒரு உணவு. இறாலில் பல வகை ஊட்டச்சத்துக்கள் நிறைந்துள்ளது. இறாலில் பல வகை ரெசிபி செய்யலாம். ஆனால் இந்த ரெசிபி இது வரைக்கும் கொடுக்காத தனி சுவையை கொடுக்கும். சரி வாங்க இறால் சுக்கா மசாலாவை எப்படி செய்வது குறித்து பார்க்கலாம்..

தேவையான பொருள்கள்:-
தேங்காய் - 1/2 கப்
வரமிளகாய் - 5
பூண்டு - 4-5
கறிவேப்பிலை - சிறிதளவு
சோம்பு - 2 ஸ்பூன்
தேங்காய் எண்ணெய் - 4 ஸ்பூன்
வெங்காயம் - 1
மஞ்சள் தூள் - 1/2 ஸ்பூன்
உப்பு - தேவையான அளவு
இறால் - 500 கிராம்
மிளகுத் தூள் - 2 ஸ்பூன்
கரம் மசாலா - 1 ஸ்பூன்

செய்முறை:-
முதலில் தேவையான அளவு இறாலை எடுத்து கொண்டு மஞ்சள் தூள் சேர்த்து நன்றாக சுத்தம் செய்து கொள்ள வேண்டும். பிறகு தேங்காய், வரமிளகாய், சோம்பு, பூண்டு, கறிவேப்பிலை ஆகியவை சேர்த்து மிக்சியில் பேஸ்ட் பதத்திற்கு அரைத்து கொள்ள வேண்டும்.

அடுப்பில் வாணலியை வைத்து அதில் தேங்காய் எண்ணெய் ஊற்றி காய்ந்தவுடன் கறிவேப்பிலை, நறுக்கிய வெங்காயம் சேர்த்து பொன்னிறமாக மாறும் வரை வதக்க வேண்டும். பின்னர் சுத்தம் செய்த இறால், மஞ்சள் தூள், உப்பு ஆகியவை ஒன்றுடன் ஒன்று சேரும் வரை கிளற வேண்டும்.

அரைத்து வைத்த மசாலைவை சேர்த்து ஒரு 10 நிமிடம் வேக வைக்கவும். கடைசியில் மிளகாய் தூள், கரம் மசாலா ஆகியவை சேர்த்து நன்றாக கிளறினால் சுவையான இறால் சுக்கா தயார்..

You'r reading இறால் சுக்கா மசாலாவை இப்படியும் செய்யலாம்.. சுவை செம கலக்கலாக இருக்கும்.. Originally posted on The Subeditor Tamil