உலக கோப்பை பைனல் நியூசிலாந்து பேட்டிங் - வெல்லப் போவது யாரு?

by Nagaraj, Jul 14, 2019, 18:00 PM IST

உலக கோப்பை கிரிக்கெட் வரலாற்றில் இங்கிலாந்தும், நியூசிலாந்தும் முதல் முறையாக பைனலில் மோதும் இன்றைய போட்டியில் டாஸ் வென்ற நியூசிலாந்து முதலில் பேட்டிங்கை தேர்வு செய்துள்ளது. இதுவரை இந்த அணிகள் கோப்பை வென்றதில்லை என்ற நிலையில், முதல் முறையாக கோப்பையை வெல்லும் அதிர்ஷ்டசாலி யார்? என்பது இப்போட்டி முடிவில் தெரிந்துவிடும்.


இங்கிலாந்தில் நடைபெற்று வரும் 12-வது உலக கோப்பை போட்டி தொடரின் அரையறுதியில், இரு முறை சாம்பியன் பட்டம் வென்ற இந்தியாவை நியூசிலாந்து, அதிர்ஷ்டவசமாக வென்று பைனலுக்கு முன்னேறி விட்டது. அதே போன்று, மற்றொரு அரையிறுதியில் 5 முறை சாம்பியன் பட்டம் வென்றிருந்த ஆஸ்திரேலியாவை அடித்து நொறுக்கி அபார வெற்றி பெற்று கெத்தாக பைனலுக்கு முன்னேறியது இங்கிலாந்து .


கிரிக்கெட்டின் பிறப்பிடம் இங்கிலாந்து நாடு தான். ஆனால் இதுவரை கோப்பை வென்றதில்லை என்ற சோகத்தில் இருந்து வருகிறது.1979, 1987, 19923 ஆகிய 3 தொடர்களில் இறுதிப் போட்டிக்கு முன்னேறிய இங்கிலாந்து, கோப்பை வெல்லும் வாய்ப்பை நழுவ விட்டு விட்டது.இந்த முறை சொந்த மண்ணில், உள்ளூர் ரசிகர்களின் ஏகோபித்த ஆதரவுடன் உற்சாகமாக களமிறங்கும் இங்கிலாந்து அணி, கோப்பையை வென்றே தீருவது என்ற வெறியில் உள்ளது எனலாம்.


நியூசிலாந்து அணியும் இதுவரை கோப்பை வென்றதில்லை. கடந்த 2015-ல் இறுதிப் போட்டியில் ஆஸ்திரேலியாவிடம் வெற்றியை பறிகொடுத்த சோகத்தில் உள்ள நியூசிலாந்து, அரையிறுதியில் இந்தியாவை எதிர்பாராதவிதமாக வென்ற கூடுதல் சந்தோஷத்துடன் களமிறங்குகிறது. அந்த அணியில் 2015 உலக கோப்பை பைனலில் களம் கண்ட வில்லியம்சன், ராஸ் டெய்லர், கப்டில் போன்ற அனுபவ வீரர்கள் இன்று தங்கள் திறமையையும், அனுபவத்தையும் வெளிப்படுத்த தவற மாட்டார்கள் என்பது நிச்சயம். எப்படி இருந்தாலும், இந்த இரு அணிகளில் வெற்றி பெறும் அணி, முதல் முறையாக கோப்பை வென்ற அணி என்ற சாதனை படைக்க உள்ளது குறிப்பிடத்தக்கது.


இந்நிலையில் கிரிக்கெட் உலகின் மிகப் பழம் பெருமை வாய்ந்த புகழ்பெற்ற லண்டன் லார்ட்ஸ் மைதானத்தில் நடைபெறும் இறுதிப் போட்டியில், டாஸ் வென்ற நியூசிலாந்து அணி பேட்டிங்கை தேர்வு விளையாடி வருகிறது.


Speed News

  • சமயத் தலைவர்களுடன் 

    தலைமை செயலர் ஆலோசனை

    கொரோனா ஊரடங்கு கட்டுப்பாடுகள் தளர்த்தப்பட்ட நிலையில், வரும் 6ம் தேதி முதல் வழிபாட்டுத் தலங்களை திறக்கலாம் என்று மத்திய அரசு அறிவித்துள்ளது. தமிழகத்தில் இது தொடர்பாக முடிவெடுப்பதற்காக இன்று மாலை 4.45 மணியவில் ஆலோசனைக் கூட்டம் நடைபெற்றது. தலைமைச் செயலகத்தில் பல்வேறு சமயத் தலைவர்களுடன் இன்று மாலை நடக்கும் கூட்டத்தில் தலைமைச் செயலாளர் சண்முகம் ஆலோசனை நடத்தவுள்ளார். 

    Jun 3, 2020, 14:46 PM IST
  • சென்னை ராயபுரத்தில் 
    3 ஆயிரம் பேருக்கு கொரோனா
     
    சென்னையில் இது வரை 16,585 பேருக்கு கொரோனா பாதித்துள்ளது. குறிப்பாக, ராயபுரம் மண்டலத்தில்  3,060 பேருக்கு கொரோனா தொற்று உறுதி செய்யப்பட்டுள்ளது. மற்ற மண்டலங்களில் பாதிப்பு வருமாறு:   கோடம்பாக்கம் - 1,921, தண்டையார்பேட்டை -  2,007, திரு.வி.க.நகர் -  1,711, தேனாம்பேட்டை - 1,871, அண்ணாநகர் - 1,411, வளசரவாக்கம் -  910, அடையாறு - 949, அம்பத்தூர் - 619, திருவொற்றியூர் - 559, மாதவரம் - 400, மணலி - 228, பெருங்குடி - 278
    ஆலந்தூர் - 243, சோழிங்கநல்லூர் - 279
     

     
    Jun 3, 2020, 14:42 PM IST
  • டெல்லி அரசில் சம்பளம்

    போட பணம் இல்லை..

    டெல்லி துணை முதல்வர் மணீஷ் சிசோடியா இன்று அளித்த பேட்டியில், ‘‘டெல்லி அரசு ஊழியர்களுக்கு சம்பளம் போடவும், சாதாரணச் செலவுகளுக்கும் மாதம் ரூ.3500 கோடி தேவை. ஆனால், கடந்த 2 மாதங்களாக ஜி.எஸ்.டி வசூல் தலா ரூ.500 கோடி அளவில்தான் உள்ளது. மற்ற வழிகளிலும் ரூ.1735 கோடி வருவாய் மட்டுமே கிடைத்துள்ளது. எனவே, மத்திய அரசாங்கம் டெல்லி அரசுக்கு உடனடியாக ரூ.5 ஆயிரம் கோடி நிதி அளிக்க வேண்டும்’’ என்றார். 

    May 31, 2020, 14:10 PM IST
  • தொழிலாளர்களுக்கு எவ்வளவு

    கொடுத்தீர்கள்.. கபில்சிபல் கேள்வி

     

    காங்கிரஸ் மூத்த தலைவர் கபி்ல் சிபில், பிரதமர் மோடிக்கு ஒரு கேள்வி எழுப்பியுள்ளார். அவர் கூறுகையில், ‘‘பி.எம். கேர் நிதியில் இருந்து இது வரை எத்தனை தொழிலாளர்களுக்கு எவ்வளவு பணம் கொடுத்தீ்ர்கள்? இந்த ஊரடங்கு காலத்தில் பல தொழிலாளர்கள் பலியாகியுள்ளனர். சிலர் ரயிலில் இறந்து்ள்ளார்கள். சில நடக்கும் போது இறந்துள்ளார்கள். சிலர் பசியால் மடிந்துள்ளார்கள். நீங்கள் எவ்வளவு தொகை கொடுத்தீ்ர்கள் என்று பதில் கூற வேண்டும்’’ என்றார்

    May 31, 2020, 14:07 PM IST
  • தெருவுக்கு வாங்கய்யா..

    யஷ்வந்த் சின்கா ட்விட்

    முன்னாள் மத்திய அமைச்சர் யஷ்வந்த் சின்கா இன்று ஒரு ட்விட் பதிவிட்டுள்ளார். அதில், ‘‘ஏழைகளின் துயரங்களை கவனிக்காமல், மத்திய அரசு கண்களையும், காதுகளையும் மூடிக் கொண்டிருக்கும் போது, எதிர்க்கட்சிகள் வெறும் மனுக்களை கொடுத்து கொண்டிருப்பது சரியா? இதற்கு மேலும் வெறும் அறிக்கைகள் எதுவும் பலனளிக்காது. எதிர்க்கட்சிகள் அனைத்தும் தெருவுக்கு வந்து போராட வேண்டும்’’ என்று கூறியுள்ளார். 

    May 23, 2020, 14:18 PM IST