அரிவாளுடன் வந்த கொள்ளையரை செருப்பு .. சேர்.. கட்டைகளால் விரட்டியடித்த வீரத் தம்பதி .. குவியும் பாராட்டுகள்

by Nagaraj, Aug 13, 2019, 11:58 AM IST

நெல்லை அருகே ஊருக்கு ஒதுக்குப் புறமாக இருந்த பண்ணை வீட்டிற்குள் இரவு நேரத்தில் அரிவாள்களுடன் புகுந்த கொள்ளையர்களை வயதான தம்பதியினர், செருப்பு.. சேர்.. கட்டை.. என கையில் கிடைத்த பொருட்களை கொண்டே தைரியமாக அடித்து விரட்டிய காட்சி, சமூக வலைதளங்களில் வேகமாக பரவி வருகிறது. வீர, தீரத்துடன் போராடிய அந்தத் தம்பதிக்கும் பாராட்டுக்கள் குவிந்து வருகின்றன.

நெல்லை மாவட்டம் கடையம் அருகே உள்ள கல்யாணிபுரத்தைச் சேர்ந்தவர் சண்முகவேல்.70 வயதான இவர், தனியார் நூற்பாலையில் பணிபுரிந்து ஓய்வு பெற்றவர். ஊருக்கு ஒதுக்குப் புறமாக உள்ள பண்ணை வீட்டுத் தோட்டத்தில் மனைவி செந்தாமரையுடன் வசித்து வருகிறார். இவர்களுக்கு இரண்டு மகன்களும் ஒரு மகளும் உள்ளனர். திருமணமாகி விட்ட மகன்கள் இருவரும் சென்னை, பெங்களூருவிலும், மகள் அமெரிக்காவிலும் செட்டிலாகி விட்டனர்.

இதனால் பண்ணை வீட்டில் சண்முகவேல் - செந்தாமரை தம்பதியினர் மட்டும் வசித்து வருகின்றனர்.நேற்று முன்தினம் இரவு 9.30 மணியளவில் வீட்டிற்கு வெளியே போர்டிகோவில் சண்முகவேல் அமர்ந்திருக்க, செந்தாமரை வீட்டிற்குள் இருந்தார்.
அப்போது முகமூடி அணிந்து வந்த கொள்ளையன் ஒருவன் திடீரென சண்முகவேலின் கழுத்தில் துண்டை போட்டு இறுக்கினான்.

இதனால் கொள்ளையனின் பிடியிலிருந்து தப்பிக்க முயன்று அலறினார். கணவரின் அலறல் சத்தம் கேட்டு வீட்டிற்குள் இருந்து வெளியில் ஓடி வந்தார் மனைவி செந்தாமரை. கணவரை கொள்ளையன் கொல்ல முயன்றதைப் பார்த்ததும், அடுத்த விநாடியே அவர் செய்த துணிச்சலான காரியம் தான் ஹைலைட்.

வீட்டு வாசலில் கிடந்த செருப்புகளை எடுத்து முகமூடி கொள்ளையன் மீது சரமாரியாக வீசினார் செந்தாமரை. அதற்குள் மற்றொரு முகமூடி கொள்ளையன் கையில் அரிவாளுடன் அங்கே பிரவேசிக்க அவனையும் செருப்பால் வீசியடிக்கிறார் செந்தாமரை.இதில் கொள்ளையர்கள் இருவரும் நிலை குலைய , இந்த களேபாரத்தில் சுதாரித்த சண்முகவேல் கொள்ளையன் பிடியிருந்து விடுபடுகிறார்.

அவரும் ஆவேசமாக சேர்களை எடுத்து கொள்ளையர்கள் மீது வீசி எறிகிறார். சண்முகவேல் - செந்தாமரை தம்பதியினர் வீராவேசமாகி செருப்பு, பிளாஸ்டிக் சேர், உடைந்த கட்டைகள் என கையில் கிடைத்த பொருட்களை எல்லாம் எடுத்து வீசுகின்றனர்.

இருவரின் வீராவேசத் தாக்குதலால் நிலை குலைந்த முகமூடி கொள்ளையர்கள் இருவரும் பின் வாங்குகின்றனர். விட்டால் போதுமடா சாமீ.. என செந்தாமரையின் கழுத்தில் கிடந்த 5 பவுன் சங்கிலியை பறித்துக் கொண்டு அவருடைய கையிலும் அரிவாளால் லேசாக கீறிவிட்டு தப்பி ஓடி விட்டனர்.

இதன் பின்னர் போலீசாருக்கு சண்முகவேல் தகவல் தெரிவிக்க, போலீசார் வந்து அங்கிருந்த கண்காணிப்பு கேமராவில் பதிவான காட்சிகளை சோதனையிட்டனர். அதில் கொள்ளையர்களுடன் சண்முகவேல் - செந்தாமரை தம்பதி போராடும் காட்சிகள் அனைத்தும் பதிவாகியிருந்தது தெரிய வந்தது.

இந்த சிசிடிவி கண்காணிப்பு காமிராவில் பதிவான காட்சிகள் இப்போது சமூக வலைதளங்களில் வைரலாக பரவி வருகிறது. வயதான காலத்திலும் நெல்லை சீமைக்கே உரித்தான வீராவேசத்துடன் கொள்ளையரை எதிர்த்து துணிச்சல் போராட்டம் நடத்திய சண்முகவேல் - செந்தாமரை தம்பதியினருக்கு பாராட்டுகள் மலைபோல் குவிந்து வருகிறது. இந்தியா மட்டுமின்றி வெளிநாடுகளிலிருந்தும் இந்த வீரத் தம்பதியை பலரும் பாராட்டி வருகின்றனர்.

இதற்கிடையே கொள்ளையில் ஈடுபட முயன்ற முகமூடி ஆசாமிகள் உள்ளூரைச் சேர்ந்தவர்கள் தான் என்று போலீசார் சந்தேகிக்கின்றனர். இது தொடர்பாக 4 பேரை போலீசார் பிடித்து விசாரித்து வருவதாகவும் கூறப்படுகிறது.

நெல்லை முன்னாள் மேயரை கொலை செய்தது ஏன்?- திமுக பெண் பிரமுகர் மகன் பரபரப்பு வாக்குமூலம்


Leave a reply

Speed News

  • ஜெயலலிதா நினைவு இல்ல வழக்கு.. ஆக.12ம் தேதி விசாரணை

    ஜெயலலிதாவின் வீட்டை அரசு கையகப்படுத்த எதிர்ப்பு தெரிவித்து அவரது வாரிசுகள் தீபா, தீபக் தொடர்ந்த வழக்குகள் சென்னை உயர்நீதிமன்றத்தில் ஆகஸ்ட் 12ஆம் தேதி விசாரணைக்கு வர உள்ளன.

    சென்னை போயஸ் தோட்டத்தில் உள்ள ஜெயலலிதாவின் வேதா இல்லத்தை நினைவு இல்லமாக மாற்ற தமிழக அரசு நடவடிக்கை எடுத்து வருகிறது. அதன் அடிப்படையில் போயஸ் தோட்டம் அமைந்திருக்கும் 24,000 சதுர அடி நிலத்தை கையகப்படுத்தி அதற்கான இழப்பீடாக 68 கோடி ரூபாய் நிர்ணயித்து நீதிமன்றத்தில் செலுத்தப்பட்டது.

    இதை எதிர்த்து தீபா தொடர்ந்த வழக்கு, தீபக் தொடர்ந்த வழக்குகள் வரும் 12ம் தேதி நீதிபதிகள் வினீத் கோத்தாரி, கிருஷ்ணன் ராமசாமி அமர்வில் விசாரிக்கப்பட உள்ளது. 

    Aug 10, 2020, 14:48 PM IST

  • பிரணாப் முகர்ஜிக்கு கொரோனா..

    முன்னாள் ஜனாதிபதி பிரணாப் முகர்ஜிக்கு கொரோனா தொற்று பாதித்துள்ளது. இதை அவர் தனது ட்விட்டர் பக்கத்தில் தெரிவித்துள்ளார். தான் வேறொரு சிகிச்சைக்காக மருத்துவமனைக்கு சென்ற போது கோவிட்19 சோதனை செய்ததாகவும், அதில் தொற்று உறுதியானதாகவும் கூறியிருக்கிறார். மேலும், தன்னுடன் கடந்த சில நாட்களாக தொடர்பில் இருந்தவர்கள் தங்களை தனிமைப்படுத்திக் கொள்ளுமாறு கேட்டு கொண்டிருக்கிறார். 

    Aug 10, 2020, 14:41 PM IST

  • குஜராத்தி்ல் முகக்கவசம் அணியாவிட்டால் ஆயிரம் ரூபாய் அபராதம்..

    குஜராத்தில் மக்கள் வீட்டை விட்டு வெளியே செல்லும் போது, முகக்கவசம் அணியாவிட்டால், ஆயிரம் ரூபா்ய் அபராதம் விதிக்கப்பட உள்ளது. நாளை முதல் இது அமலுக்கு வரும் என்று முதலமைச்சர் விஜய் ரூபானி தெரிவித்துள்ளார். 

    Aug 10, 2020, 14:33 PM IST

  • ராஜஸ்தானி்ல் நாளை மாலை பாஜக எம்.எல்.ஏ.க்கள் கூட்டம்..

    ராஜஸ்தானில் அசோக் கெலாட் தலைமையிலான காங்கிரஸ் அரசு உள்ளது. கெலாட்டுக்கு எதிராக சச்சின் பைலட் உள்பட 19 எம்.எல்.ஏக்கள் திரும்பியதால் அரசியல் குழப்பம் ஏற்பட்டுள்ளது. இதையடுத்து, வரும் 14ம் தேதி சட்டசபையில் நம்பிக்கை வாக்கெடுப்பு நடைபெற உள்ளது. இதையடுத்து, ஆளும் காங்கிரஸ், எதிர்க்கட்சி பாஜக ஆகியவை தங்கள் எம்.எல்.ஏ.க்களை ஓட்டல்களில் அடைத்து வைத்திருக்கின்றன.

    இந்நிலையில், நாளை(ஆக.11) மாலை 4 மணிக்கு பாஜக எம்.எல்.ஏ.க்கள் கூட்டம் நடைபெற உள்ளது. பாஜக எம்.எல்.ஏ.க்களில் சிலர் காங்கிரசுக்கு ஆதரவாக மாறலாம் என்ற பேச்சு எழுந்த நிலையில், இந்த கூட்டம் நடைபெறுகிறது. 

    Aug 10, 2020, 14:31 PM IST

  • டெல்லி, மும்பை, சென்னையில் கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST

More Tamilnadu News