நல்லவர்களாக நடித்து குண்டு போட்ட செல்வந்தர் குடும்பம்!!

by எஸ். எம். கணபதி, Apr 25, 2019, 13:36 PM IST

இலங்கை குண்டுவெடிப்பில் ஒரு பணக்கார வியாபாரியின் 2 மகன்கள் ஈடுபட்டது விசாரணையில் தெரிய வந்துள்ளது. அந்த வியாபாரியை போலீசார் கைது செய்துள்ளனர்.

இலங்கையில் ஈஸ்டர் தினத்தன்று மூன்று தேவாலயங்கள் மற்றும் நட்சத்திர ஹோட்டல்களில் அடுத்தடுத்து பயங்கர குண்டுகள் வெடித்தன. இந்த தொடர் குண்டுவெடிப்பில் 359 பேர் உயிரிழந்துள்ளனர். 500 பேர் வரை காயமடைந்துள்ளனர். இந்த குண்டுவெடிப்புகளுக்கு ஐ.எஸ்.ஐ.எஸ்(இஸ்லாமிக் ஸ்டேட் ஆப் சிரியா அண்ட் ஈராக்) தீவிரவாதிகள் பொறுப்பேற்றுள்ளனர்.

உலகையே அச்சுறுத்தி வரும் இந்த தீவிரவாதிகள் தற்போது பல நாடுகளிலும் தங்கள் கைவரிசையை காட்டத் தொடங்கியுள்ளனர். அவர்கள் ஆசிய நாடுகளில் உள்ள இஸ்லாமிய இளைஞர்களை குறிவைத்து ஆன்லைனில் இழுத்து மூளைச்சலவை செய்கிறார்கள். அதன்பின், அவர்களை சிரியாவுக்கு வரவழைத்து பயிற்சி கொடுத்து அனுப்பி அந்தந்த நாடுகளில் பயங்கரவாத தாக்குதல்களை நடத்துகின்றனர். இப்படித்தான் இலங்கையிலும் தொடர் குண்டுவெடிப்பு தாக்குதல்களை ஐ.எஸ். அமைப்பு செய்திருக்கிறது.

கொழும்பில் ஒரு பணக்கார வியாபாரியின் குடும்பம், ஐ.எஸ். அமைப்புக்கு துணை போனது தெரிய வந்திருக்கிறது. முகமது இப்ராகீம் என்ற அந்த பருப்பு வியாபாரிக்கு 6 மகன்கள், 3 மகள்கள். இவர்களில் இன்சாப் இப்ராகீம் என்ற மகன்தான், ஈஸ்டர் தினத்தன்று காலையில் ஷாங்ரி லா நட்சத்திர ஹோட்டலுக்குள் தற்கொலைப்படை தாக்குதல் நடத்தியவன். அவன் பயங்கர வெடிகுண்டுகளுடன் அந்த ஹோட்டலுக்குள் காலை உணவு சாப்பிட்டு கொண்டிருப்பவர்கள் மத்தியில் சென்று வெடிக்கச் செய்தான். சி.சி.டி.வி. கேமரா பதிவுகள் மூலம் போலீசார் அவனை அடையாளம் கண்டு விட்டனர்.

இதன்பின், அவனது சகோதரன் இன்சாம் இப்ராகீம் வீட்டு போலீசார் சென்ற போது, இன்சாம் அங்கு குண்டுவெடிக்கச் செய்தான். அதில் அவனும், அவனது மனைவி மற்றும் 3 குழந்தைகளும் பலியாகி விட்டனர். இதன்பின், வியாபாரி முகமது இப்ராகீமை போலீசார் கைது செய்து தீவிரமாக விசாரித்து வருகின்றனர். இந்த தகவல்கள் இலங்கைப் பத்திரிகைகளில் வெளிவந்திருக்கின்றன. ஆனாலும் இலங்கை பாதுகாப்பு படையினரோ, போலீசாரோ இந்த தகவல்களை வெளியிடவில்லை.

இந்நிலையில், முகமது இப்ராகீமின் அண்டை வீட்டார்கள் கடும் அதிர்ச்சி அடைந்துள்ளனர். பாசிலா என்பவர் ராய்ட்டர் செய்தியாளரிடம் கூறுகையில், ‘‘முகமது இப்ராகீம் பெரிய பணக்காரர். அவர் இப்பகுதியில் ஏழைகளுக்கு உதவுவார். அவரது மகள்கள் நன்றாக பழகுவார்கள். அவர்கள் அனைவருமே மிகவும் நல்லவர்களாக தெரிந்தார்கள். அவர்களா இப்படி செய்தார்கள் என்று நினைத்து பார்க்கும் போதே குலை நடுங்குகிறது. இவர்களால்தான், உண்மையில் நல்லவர்களாக இருக்கும் இஸ்லாமியர்களும் பாதிக்கப்படுகிறார்கள். இது மிகக் கொடுமையானது’’ என்றார்.

சஞ்சீவா ஜெயசிங்கே கூறுகையில், ‘‘அவர்கள் மிக நல்லவர்கள் போல் நடித்தார்கள். ஆனால், இவ்வளவு பயங்கரவாதிகள் என்று எதிர்பார்க்கவே இல்லை’’ என்றார்.

என்.டி.திவாரி மகன் கொலை வழக்கில் திடீர் திருப்பம் - மனைவியே கொன்று நாடகமாடியது அம்பலம்


Speed News

  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST
  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST