சூப்பர் டீலக்ஸ் இந்தி ரீமேக்! - விஜய் சேதுபதியின் ஷில்பா கேரக்டரில் யார்

by Sakthi, Apr 25, 2019, 17:05 PM IST

சூப்பர் டீலக்ஸ் படம் பாலிவுட்டுக்கு செல்கிறது. இது ஒட்டுமொத்த படக்குழுவுக்கும் மகிழ்ச்சியை கொடுத்துள்ளது.

சூப்பர் டீலக்ஸ்

ஆரண்யகாண்டம் படத்தை இயக்கிய தியாகராஜன் குமாரராஜா இயக்கத்தில் எட்டு வருடங்கள் கழித்து வெளியாகியிருக்கும் படம் சூப்பர் டீலக்ஸ். விஜய்சேதுபதி, சமந்தா, ஃபகத் ஃபாசில், ரம்யாகிருஷ்ணன், மிஷ்கின் உள்ளிட்ட பலர் நடிப்பில் வெளியானது. இப்படம் ஏ சான்றிதழுடன் வெளியானது குறிப்பிடத்தக்கது.

இயக்குநர் தியாகராஜன் குமாரராஜா தான் படத்தின் தயாரிப்பாளரும் கூட. இப்படத்தின் பட்ஜெட் 13 கோடி ரூபாய். அதில் விளம்பர செலவு மட்டும் 1.5 கோடி ரூபாய். விநியோக செலவு 50 லட்சம். ஆக படத்தின் ஒட்டுமொத்த பட்ஜெட் 15 கோடி.இதில் கேரளா 50 லட்சத்துக்கும், கர்நாடகாவில் 60 லட்சத்துக்கும், ஹிந்தி டப்பிங் உரிமை 75 லட்சத்துக்கும், ஓவர்சிஸ் 2 கோடிக்கும், ஆடியோ ரைட்ஸ் 25 லட்சத்துக்கு விற்பனையானது. தவிர, படத்துக்கு கிடைத்த டிஜிட்டல் ரைட்ஸ் 7 கோடி. இறுதியாக தமிழகத்தில் தியேட்டரில் 12.25 கோடி ரூயாய் வரை 1 வார நாட்கள் வசூலானது. இதிலிருந்து தயாரிப்பாளருக்கு கிடைத்த பணம் 7.5 கோடி ரூபாய். ஆக மொத்தம் தயாரிப்பாளருக்கு கிடைத்த மொத்த வசூல் தோராயமாக 19 கோடி. ஆக, தயாரிப்பாளருக்கு கிடைத்திருக்கும் நிகர லாபம் 4 கோடி ரூயாய். இப்படியிருக்க தற்போது இந்தியில் சூப்பர் டீலக்ஸ் எடுக்கும் பணிகள் முழுவீச்சில் நடந்து வருகிறது.

படத்தில் நடித்த அத்தனை கதாபாத்திரங்களும் பாராட்டைப் பெற்றிருந்தாலும் விஜய்சேதுபதியின் திருநங்கை கதாபாத்திரம் சவாலாக அமைந்திருந்தது. இந்த கேரக்டரில் இந்தியில் யார் நடிப்பார்கள் என்ற கேள்வி எழுந்துள்ளது. விரைவில் அதிகாரப்பூர்வ அறிவிப்பு வெளியாகும் என்று எதிர்பார்க்கப்படுகிறது.


Leave a reply

Speed News

  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST
  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST

More Cinema News