மணிரத்னம் இயக்கும் படம் பொன்னியின் செல்வன். விக்ரம். கார்த்தி , ஜெயம் ரவி, பார்த்திபன், பிரபு, ஐஸ்வர்யாராய். திரிஷா என ஏராளமான நடிகர், நடிகைகள் நடிக்கின்றனர். இதன் படப்பிடிப்பு இரண்டு கட்டமாக ஏற்கனவே நடந்திருக்கிறது. கொரோனா லாக்டவுனால் படப்பிடிப்பு தடைப்பட்டிருக்கிறது. இப்படத்தை லைகா நிறுவனத்துடன் இணைந்து மணிரத்னம் பட நிறுவனமும் தயாரிக்கிறது. லைகா நிறுவனம் கமல் நடிக்க ஷங்கர் இயக்கும் இந்தியன் 2ம் பாகத்தையும் தயாரிக்கிறது.
இந்தியன் 2ம் பாகம் தொடங்கியது முதலே ஏதாவது ஒரு பிரச்சனை படப் பிடிப்பைத் தாமதப்படுத்தி வந்தது. ஒரு வழியாகப் படப்பிடிப்பு தொடங்கி சில நாட்கள் நடந்த நிலையில் கமல்ஹாசனுக்கு மேக் அப் அலர்ஜி ஏற்பட்டு தடைப்பட்டது. பின்னர் படப்பிடிப்பில் கிரேன் அறுந்து விழுந்து விபத்து ஏற்பட்டுப் படப் பிடிப்பு முடங்கியது. வழக்கு, விசாரணை என ஒரு பக்கம் பிரச்சனை நடந்து வருகிறது. தற்போது கொரோனா லாக் டவுனால் படப்பிடிப்பு நடக்கவில்லை.
லைகா நிறுவனம் அமெரிக்காவிலும் செயல்படுகிறது. கொரோனா என்கிற கோவிட் 19 லாக் டவுனால் அங்கும் கம்பெனி செயல்பாடுகள் நின்றிருக்கிறது.
இதனால் பொன்னியின் செல்வன். இந்தியன்2 என இரண்டு படங்களுக்கும் பட்ஜெட் செலவைப் பல கோடி குறைக்க லைகா நிறுவனம் எண்ணி உள்ளதாம்.
