பாரதிராஜா தலைமையில் புதிய தயாரிப்பாளர் சங்கம் உதயமாகிறது.. விஷாலுக்கு நிர்வாக பொறுப்பில் இடம் கிடையாது?

by Chandru, Aug 1, 2020, 18:09 PM IST

தமிழ்த் திரைப்பட தயாரிப்பாளர்கள் சங்கம் சென்னை பிலிம்சேம்பர் கட்டிடத்தில் இயங்கி வருகிறது. இது பழம் பெரும் சங்கம். மறைந்த படத் தயாரிப்பாளர்கள் கே ஆர் ஜி, ராமநாராயணன், இப்ராகிம் ராவுத்தர் உள்ளிட்ட பலர் தலைவராகப் பொறுப்பு வகித்திருக்கிறார்கள்.இந்த நிலையில் தான் நடிகர்களும் சொந்தமாகப் படங்கள் தயாரிக்கத் தொடங்கினார்கள் ரஜினிகாந்த், கமல்ஹாசன், விஜயகாந்த், சரத்குமார், விஜய், நாசர், விஷால் எனப் பலர் படத் தயாரிப்பில் இறங்கினார்கள். நடிகர் சங்கத்தில் உறுப்பினராக இருக்கும் இவர்கள் தயாரிப்பாளர்கள் சங்கத்திலும் உறுப்பினர்கள் ஆனார்கள்.கடந்த முறை நடந்த தயாரிப்பாளர்கள் சங்க தேர்தலில் நடிகர் விஷால் போட்டியிட்டு தலைவர் ஆனார். அதன்பிறகு பல்வேறு சம்பவங்கள் சங்கத்திற்குள் நடந்தது கோர்ட்டில் வழக்கு தொடரப்பட்டது, ஏற்கனவே நடந்த தேர்தலை ரத்து செய்துவிட்டு புதிதாகத் தேர்தல் நடத்த உத்தரவிடப்பட்டது.

முன்னதாக விஷால் தலைமையிலான தயாரிப்பாளர்கள் சங்க நிர்வாக குழுவைப் புகாரின் பேரில் கலைத்து விட்டுத் தனி அதிகாரி தலைமையில் குழு அமைத்து அரசு உத்தரவிட்டது.
அடுத்து நடக்கவுள்ள தயாரிப்பாளர்கள் சங்க தேர்தலை சுமூகமாக நடத்தி ஒரு மனதாக நிர்வாகிகளைத் தேர்வு செய்ய வேண்டும் என்று டைரக்டர் பாரதிராஜா வேண்டுகோள் விடுத்திருந்தார். ஆனால் அது ஏற்கப்படாமல் இரண்டு அணிகள் போட்டிக்குத் தயார் ஆகின. இந்நிலையில் மீண்டும் விஷால் தலைமையிலும் ஒரு அணி போட்டியிட உள்ளதாகத் தகவல் வெளியானது. ஆனால் அது உறுதி செய்யப்ப வில்லை.தற்போது இயங்கி வரும் தமிழ்த் திரைப் படத் தயாரிப்பாளர்கள் சங்கத்தில் 1200-க்கும் மேற்பட்டோர் உறுப்பினர்களாக இருக்கிறார்கள். இவர்களில் தற்போது படம் தயாரிப்பவர்கள் சுமார் 200 பேர் தான் இருப்பார்கள். மற்றவர்கள் படங்கள் எடுக்காமல் உறுப்பினராக இருக்கிறார்கள் அல்லது படம் எடுத்து நஷ்டமடைந்தவர்கள்.

சங்கம் என்று வரும்போது அது ஆளும் அரசுக்கு இணக்கமாக இருக்க வேண்டும் அப்போது தான் சினிமாவுக்கு சலுகைகள் பெற முடியும் ஆனால் நடிகர் விஷால் ஆளும் கட்சிக்கு எதிராக அரசியலில் போட்டியிடுகிறார் இதனால் அரசின் சலுகைகள் பெறுவதில் சிக்கல் ஏற்படுவதாகச் சங்கத்தில் பலர் எண்ணுகின்றனர்.இந்த நிலையில் தற்போது படத் தயாரிப்பில் ஈடுபட்டு வரும் தயாரிப்பாளர்களை உறுப்பினர்களாகக் கொண்டு புதிய தமிழ்த் திரைப்பட தயாரிப்பாளர்கள் புதிய சங்கம் உருவாக்க உள்ளதாகக் கோலிவுட்டில் தகவல் பரவி வருகிறது. தற்போது படங்கள் தயாரிக்கும் தயாரிப்பாளர்கள் இதில் உறுப்பினர்களாக இருப்பார்கள், அச்சங்கம் பாரதிராஜா தலைமையில் செயல்படும் என்று கூறப்படுகிறது. இது பற்றிய அதிகாரப்பூர்வ அறிவிப்பு எதுவும் இன்னும் வரவில்லை. இது சினிமா உலகில் பரபரப்பை ஏற்படுத்தி உள்ளது.


Leave a reply

Speed News

  • ஜெயலலிதா நினைவு இல்ல வழக்கு..

    ஆக.12ம் தேதி விசாரணை

    ஜெயலலிதாவின் வீட்டை அரசு கையகப்படுத்த எதிர்ப்பு தெரிவித்து அவரது வாரிசுகள் தீபா, தீபக் தொடர்ந்த வழக்குகள் சென்னை உயர்நீதிமன்றத்தில் ஆகஸ்ட் 12ஆம் தேதி விசாரணைக்கு வர உள்ளன.

    சென்னை போயஸ் தோட்டத்தில் உள்ள ஜெயலலிதாவின் வேதா இல்லத்தை நினைவு இல்லமாக மாற்ற தமிழக அரசு நடவடிக்கை எடுத்து வருகிறது. அதன் அடிப்படையில் போயஸ் தோட்டம் அமைந்திருக்கும் 24,000 சதுர அடி நிலத்தை கையகப்படுத்தி அதற்கான இழப்பீடாக 68 கோடி ரூபாய் நிர்ணயித்து நீதிமன்றத்தில் செலுத்தப்பட்டது.

    இதை எதிர்த்து தீபா தொடர்ந்த வழக்கு, தீபக் தொடர்ந்த வழக்குகள் வரும் 12ம் தேதி நீதிபதிகள் வினீத் கோத்தாரி, கிருஷ்ணன் ராமசாமி அமர்வில் விசாரிக்கப்பட உள்ளது. 
    Aug 10, 2020, 14:48 PM IST
  • பிரணாப் முகர்ஜிக்கு கொரோனா..

    முன்னாள் ஜனாதிபதி பிரணாப் முகர்ஜிக்கு கொரோனா தொற்று பாதித்துள்ளது. இதை அவர் தனது ட்விட்டர் பக்கத்தில் தெரிவித்துள்ளார். தான் வேறொரு சிகிச்சைக்காக மருத்துவமனைக்கு சென்ற போது கோவிட்19 சோதனை செய்ததாகவும், அதில் தொற்று உறுதியானதாகவும் கூறியிருக்கிறார். மேலும், தன்னுடன் கடந்த சில நாட்களாக தொடர்பில் இருந்தவர்கள் தங்களை தனிமைப்படுத்திக் கொள்ளுமாறு கேட்டு கொண்டிருக்கிறார். 

    Aug 10, 2020, 14:41 PM IST
  • குஜராத்தி்ல் முகக்கவசம் அணியாவிட்டால்

    ஆயிரம் ரூபாய் அபராதம்..

    குஜராத்தில் மக்கள் வீட்டை விட்டு வெளியே செல்லும் போது, முகக்கவசம் அணியாவிட்டால், ஆயிரம் ரூபா்ய் அபராதம் விதிக்கப்பட உள்ளது. நாளை முதல் இது அமலுக்கு வரும் என்று முதலமைச்சர் விஜய் ரூபானி தெரிவித்துள்ளார். 

    Aug 10, 2020, 14:33 PM IST
  • ராஜஸ்தானி்ல் நாளை மாலை

    பாஜக எம்.எல்.ஏ.க்கள் கூட்டம்..

    ராஜஸ்தானில் அசோக் கெலாட் தலைமையிலான காங்கிரஸ் அரசு உள்ளது. கெலாட்டுக்கு எதிராக சச்சின் பைலட் உள்பட 19 எம்.எல்.ஏக்கள் திரும்பியதால் அரசியல் குழப்பம் ஏற்பட்டுள்ளது. இதையடுத்து, வரும் 14ம் தேதி சட்டசபையில் நம்பிக்கை வாக்கெடுப்பு நடைபெற உள்ளது. இதையடுத்து, ஆளும் காங்கிரஸ், எதிர்க்கட்சி பாஜக ஆகியவை தங்கள் எம்.எல்.ஏ.க்களை ஓட்டல்களில் அடைத்து வைத்திருக்கின்றன.

    இந்நிலையில், நாளை(ஆக.11) மாலை 4 மணிக்கு பாஜக எம்.எல்.ஏ.க்கள் கூட்டம் நடைபெற உள்ளது. பாஜக எம்.எல்.ஏ.க்களில் சிலர் காங்கிரசுக்கு ஆதரவாக மாறலாம் என்ற பேச்சு எழுந்த நிலையில், இந்த கூட்டம் நடைபெறுகிறது. 

    Aug 10, 2020, 14:31 PM IST
  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST

More Cinema News