பாஜகவுடன் த.மா.கா இணையப் போகிறதா? பிரதமருடன் வாசன் சந்திப்பு..

by எஸ். எம். கணபதி, Nov 6, 2019, 10:52 AM IST

பிரதமர் நரேந்திர மோடியை த.மா.கா. தலைவர் ஜி.கே.வாசன் இன்று(நவ.6) சந்தித்து பேசுகிறார். இதனால், பாஜகவுடன் த.மா.கா. இணையப் போவதாக பரபரப்பு ஏற்பட்டுள்ளது.

பிரதமர் மோடியும், சீன அதிபர் ஜின்பிங்கும் சமீபத்தில் மாமல்லபுரத்தில் சந்தித்து பேசினர். இந்த சந்திப்பு வரலாற்று முக்கியத்துவம் பெற்றதாக அமைந்தது. இந்த நிகழ்வுக்காக சென்னை வந்திருந்த பிரதமர் மோடியை வரவேற்கச் சென்றவர்களுள் த.மா.கா. தலைவர் ஜி.கே.வாசனும் ஒருவர். அப்போது, பிரதமர் மோடி மற்றவர்களை விட வாசனிடம் அதிக கவனம் செலுத்தி பேசினார். ஏன் தன்னை சந்திக்க ஒரு முறை கூட வரவே இல்லை? என்று கேட்டார். அதற்கு வாசன், நிச்சயமாக வருகிறேன் என்று பதிலளித்தார்.

அதைத் தொடர்ந்து, பிரதமரின் அப்பாயின்ட்மென்ட் கேட்டு அவரது அலுவலகத்தில் வாசன் தகவல் கொடுத்தார். அதன்படி, இன்று காலையில் அவருக்கு பிரதமரை சந்திக்க நேரம் ஒதுக்கப்பட்டுள்ளது. பிரதமர் மோடியை வாசன் சந்தித்து பேசும் போது, தமிழக அரசியல் சூழல் குறித்து அவரிடம் பிரதமர் விவாதிப்பார். அப்போது வாசனை அவர் பாஜகவுக்கு அழைப்பார் என்று கூறப்படுகிறது. வாசனும் தனிக்கட்சி நடத்துவதில் உள்ள சிரமங்களை கருத்தில் கொண்டு பாஜகவுடன் த.மா.கா.வை இணைக்க வாய்ப்புள்ளது. மேலும், அதன் மூலம் தனக்கு மத்தியில் ஒரு பதவியையோ, மாநில தலைவர் பதவியையோ பெற முடியும். பாஜகவும் காங்கிரஸ் மீண்டும் பலமடைய விடக் கூடாது என்பதில் உறுதியாக இருக்கிறது. அதனால், காங்கிரஸில் இருந்து பிரிந்தவர்களை இழுப்பதில் தீவிரமாக உள்ளது. எனவே, த.மா.கா.வை கண்டிப்பாக இழுத்து விடுவார்கள் என்று தமிழக அரசியலில் பரப்பாக பேசப்படுகிறது.

இது குறித்து த.மா.கா. தலைவர் ஒருவரிடம் பேசினோம். அவர் கூறுகையில், இது மரியாதைநிமித்தமான சந்திப்பு தான். கூட்டணி கட்சித் தலைவர் என்ற அடிப்படையில் மத்திய உள்துறை அமைச்சர் அமித்ஷாவையும் சந்திப்பார். அதே சமயம், பாஜகவுடன் த.மா.கா.வை இணைப்பதற்கான வாய்ப்புகள் மிகவும் குறைவுதான். ஒரு வேளை பாஜகவில் வாசனுக்கு அதிக முக்கியத்துவம் அளிக்கப்பட்டால் எதிர்காலத்தில் அது நடக்கலாம். அதே சமயம் இன்னொரு விஷயத்தையும் கவனிக்க வேண்டும்.

மூப்பனார் இருந்த போது அவர் இதே போல் த.மா.கா. கட்சி ஆரம்பித்தாலும் கடைசி வரை காங்கிரஸ்காரராகவே இருந்தார். 1999ம் ஆண்டில் வாஜ்பாய் அரசுக்கு எதிராக ஜெயலலிதா திரும்பிய போது, த.மா.கா.வில் 3 எம்.பி.க்கள் வைத்திருந்த மூப்பனாரிடம் பாஜக தலைவர்கள் ஆதரவு கேட்டனர். குறிப்பாக, வெங்கய்ய நாயுடு, மூப்பனாரை வளைக்க தீவிரமாக முயன்றார். ஆனால், வாஜ்பாய் மீது தான் மரியாதை வைத்திருந்தாலும் பாஜகவை ஒரு போதும் ஆதரிக்க முடியாது என்று மூப்பனார் மறுத்து விட்டார். அது பழைய வரலாறு என்று தெரிவித்தார்.


Leave a reply

Speed News

  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST
  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST

More Delhi News