இந்தியாவில் தொலைத் தொடர்பு துறையில் பெரும் புரட்சியை ஏற்படுத்திய ரிலையன்ஸ் நிறுவனம் விரைவில் புதிய 5 ஜி மொபைல் போன்களை அறிமுகப்படுத்த உள்ளது. இதற்காக ரிலையன்ஸ் ஜியோ , 5 ஜி ஸ்மார்ட்போனை ரூ .5,000க்கும் குறைவான விலையில் அறிமுகப்படுத்தத் திட்டமிட்டுள்ளது.தற்போது நாட்டில் 2 ஜி இணைப்பைப் பயன்படுத்தும் 20 முதல் 30 கோடி மொபைல் போன் பயனர்களைக் குறிவைத்து ஜியோ நிறுவனம் களமிறங்குகிறது.
ஜியோ இந்த சாதனத்தை ரூ .5,000 க்கும் குறைவான விலைக்குக் கொண்டு வரத் திட்டமிட்டுள்ளது. ஒட்டுமொத்த விற்பனையை அளவிடுகையில் ஒரு 5 ஜி போனின் விலை 2,500லிருந்து 3,000 ரூபாய் வரை இருக்கும் என்று ரிலையன்ஸ் ஜியோ , நிறுவனத்தின் அதிகாரி ஒருவர் தெரிவித்துள்ளார்.
தற்போது, 5 ஜி ஸ்மார்ட்போன்கள் 27 ஆயிரம் ரூபாயிலிருந்து விற்கப்படுகின்றன. ரிலையன்ஸ் குழுமத்தின் 43வது வருடாந்திர பொதுக் கூட்டத்தில், ரிலையன்ஸ் இண்டஸ்ட்ரீஸ் தலைவரும் நிர்வாக இயக்குநருமான முகேஷ் அம்பானி இந்தியாவை "2 ஜி-முக்ட்" (2 ஜி இணைப்புகள் இல்லாதது) ஆக்குவதாக உறுதியளித்ததோடு 350 மில்லியன் இந்தியர்களின் (தற்போது 2 ஜி தொலைப்பேசியைப் பயன்படுத்துவோர்) மாற்றத்தைத் துரிதப்படுத்த வேண்டியதன் அவசியத்தை வலியுறுத்தினார்.ஜியோ பிளாட்ஃபார்ம்களில் ஆண்ட்ராய்டு அடிப்படையிலான ஸ்மார்ட்போன் இயக்க முறைமையை உருவாக்க அமெரிக்கத் தொழில்நுட்ப நிறுவனமொன்று ஜியோவுடன் கூட்டுச் சேரப்போவதாகவும் அவர் கூறினார்.
அமெரிக்க நிறுவனம் தனது சொந்த 5 ஜி நெட்வொர்க் கருவிகளில் செயலாற்றி வருகிறது, மேலும் இந்த தயாரிப்புகளை ஏற்றுமதி செய்வதற்கு முன்பு சோதனைக்கு ஸ்பெக்ட்ரம் ஒதுக்குமாறு தொலைத் துறையைரிலையன்ஸ் கேட்டுக் கொண்டுள்ளது. எனினும் ரிலையன்ஸ் ஜியோவின் கோரிக்கைக்கு அரசாங்கம் இன்னும் செவிசாய்க்கவில்லை.
தற்போது, இந்தியாவில் 5 ஜி சேவைகள் இல்லை, அடுத்த தலைமுறை தொழில்நுட்பத்திற்கான உள்நாட்டுச் சுற்றுச்சூழல் அமைப்பை மேம்படுத்துவதை நோக்கமாகக் கொண்டு கள சோதனைகளை நடத்துவதற்காகத் தொலைத் தொடர்பு ஆபரேட்டர்களுக்கு கூட அரசாங்கம் ஸ்பெக்ட்ரம் அலைக்கற்றைகளை ஒதுக்கீடு செய்யவில்லை .
