பெங்களூரு பௌலர்களை கலங்கடித்த காட்டடி ரஸ்ஸல் - `ஒன் மேன் ஷோவால் 3வது வெற்றியை பதிவு செய்த கேகேஆர்

by Sasitharan, Apr 6, 2019, 06:22 AM IST

ஐபிஎல் தொடரின் 17-வது லீக் ஆட்டம் பெங்களூரு சின்னசாமி மைதானத்தில் நேற்று இரவு நடைபெற்றது. இதில் ராயல் சேலஞ்சர்ஸ் பெங்களூர் - கொல்கத்தா நைட் ரைடர்ஸ் அணிகள் மோதின. நான்கு போட்டிகளில் விளையாடி ஒரு வெற்றி கூட பெறாமல் இருந்த பெங்களூரு அணி இந்த முறை சொந்த மைதானத்தில் களமிறங்குவதால் புதிய நம்பிக்கையுடன் களமிறங்கியது. டாஸ் வென்ற கொல்கத்தா நைட் ரைடர்ஸ் அணியின் கேப்டன் தினேஷ் கார்த்திக் பந்து வீச்சை தேர்வு செய்தார். பெங்களூரு அணியில் இரண்டு மாற்றங்கள் செய்யப்பட்டிருக்கின்றன. ஹெட்மெயருக்குப் பதிலாக டிம் சவுத்தியும், உமேஷ் யாதவுக்குப் பதிலாக பவன் நெகியும் பிளேயிங் லெவனில் இடம்பெற்றிருக்கின்றனர். குறிப்பாக, டிம் சவுத்தி இந்த ஐபிஎல் தொடரின் முதல் போட்டியில் பங்கேற்கிறார். கொல்கத்தா அணியில் ஒரே ஒரு மாற்றமாக, நிகில் நாயக்கிற்குப் பதிலாக சுனில் நரேன் களமிறங்கினார்.

பெங்களூரு அணியின் தொடக்க ஆட்டக்காரர்களாக பார்திவ் படேல், விராட் கோலி ஆகியோர் இறங்கினர். தொடக்கம் முதல் இருவரும் அடித்து ஆடினர். அணியின் ஸ்கோர் 64 ஆக இருக்கும்போது பார்திவ் படேல் 25 ரன்னில் அவுட்டானார். அவருக்கு அடுத்து ஏபி டி வில்லியர்ஸ் களமிறங்கினார். இதையடுத்து, கேப்டன் கோலியுடன் டிவிலியர்ஸ் ஜோடி சேர்ந்தார். இந்த ஜோடி, கொல்கத்தா அணியின் பந்துவீச்சை திறம்பட சமாளித்து ரன் குவித்தனர். கொல்கத்தா அணியினரின் பந்து வீச்சை துவம்சம் செய்து சிக்சர், பவுண்டரிகளாக விளாசினர். இதனால் அணியின் எண்ணிக்கை மளமளவென உயர்ந்தது. இருவரும் அரை சதம் கடந்து அசத்தினர். சிறப்பாக விளையாடிய விராட் கோலி 49 பந்தில் 2 சிக்சர், 9 பவுண்டரியுடன் 84 ரன்னில் ஆட்டமிழந்தார். அவரை தொடர்ந்து அதிரடி காட்டிய டி வில்லியர்ஸ் 31 பந்தில் 4 சிக்சர், 5 பவுண்டரியுடன் 63 ரன்னில் வெளியேறினார். இறுதியில் பெங்களூரு அணி 20 ஓவர்களில் 3 விக்கெட்டுகள் இழப்புக்கு 205 ரன்கள் சேர்த்தது.

இமாலய இலக்கை துரத்திய கொல்கத்தா அணிக்கு கொல்கத்தா நைட் ரைடர்ஸ் அணிக்கு தொடக்க ஆட்டக்காரர்களாக லயன் மற்றும் சுனில் நரைன் களம் புகுந்தனர். பெரும் எதிர்பார்ப்புக்கு உள்ளான சுனில் நரைன் 10 ரன்கள் எடுத்து ஆட்டமிழந்த நிலையில் வெளியேறினார். இதன்பின் லயன் உடன் உத்தப்பா ஜோடி சேர்ந்து ஆடினார். இருவரும் நிதானமாக ரன்களை சேர்த்தனர். 33 ரன்கள் எடுத்தபோது உத்தப்பாவும் 43 ரன்கள் எடுத்தபோது லயனும் வெளியேறினர். ரானா அதிரடியாக விளையாடி 37 ரன்கள் எடுத்து ஆட்டமிழந்தார்.

கடைசி கட்டத்தில் கேப்டன் தினேஷ் கார்த்திக் விரைவாக அவுட் ஆனாலும், ரஸ்ஸல் தனி ஆளாக களத்தில் இருந்து வெற்றி தேடி தந்தார். சைனி, சிராஜ், சவுத்தி என பெங்களூரு பௌலர்களை தனது காட்டடியால் கலங்கடித்தார். குறிப்பாக சவுத்தி வீசிய 19வது ஓவரை எதிர்கொண்ட ரஸ்ஸல் 4 சிக்ஸர் ஒரு பவுண்டரி என 28 ரன்கள் சேர்த்தார். இந்தப்போட்டியில் 13 பந்துகளை மட்டும் சந்தித்த அவர் மொத்தம் 7 சிக்ஸர் மற்றும் 1 பவுண்டரியுடன் 48 ரன்கள் குவித்து வெற்றிக்கு வித்திட்டார். கடைசியில் 5 பந்துகள் மீதமிருந்த நிலையில் 5 விக்கெட்டுகளை இழந்து கொல்கத்தா அணி வெற்றி பெற்றது.


Speed News

  • சமயத் தலைவர்களுடன் 

    தலைமை செயலர் ஆலோசனை

    கொரோனா ஊரடங்கு கட்டுப்பாடுகள் தளர்த்தப்பட்ட நிலையில், வரும் 6ம் தேதி முதல் வழிபாட்டுத் தலங்களை திறக்கலாம் என்று மத்திய அரசு அறிவித்துள்ளது. தமிழகத்தில் இது தொடர்பாக முடிவெடுப்பதற்காக இன்று மாலை 4.45 மணியவில் ஆலோசனைக் கூட்டம் நடைபெற்றது. தலைமைச் செயலகத்தில் பல்வேறு சமயத் தலைவர்களுடன் இன்று மாலை நடக்கும் கூட்டத்தில் தலைமைச் செயலாளர் சண்முகம் ஆலோசனை நடத்தவுள்ளார். 

    Jun 3, 2020, 14:46 PM IST
  • சென்னை ராயபுரத்தில் 
    3 ஆயிரம் பேருக்கு கொரோனா
     
    சென்னையில் இது வரை 16,585 பேருக்கு கொரோனா பாதித்துள்ளது. குறிப்பாக, ராயபுரம் மண்டலத்தில்  3,060 பேருக்கு கொரோனா தொற்று உறுதி செய்யப்பட்டுள்ளது. மற்ற மண்டலங்களில் பாதிப்பு வருமாறு:   கோடம்பாக்கம் - 1,921, தண்டையார்பேட்டை -  2,007, திரு.வி.க.நகர் -  1,711, தேனாம்பேட்டை - 1,871, அண்ணாநகர் - 1,411, வளசரவாக்கம் -  910, அடையாறு - 949, அம்பத்தூர் - 619, திருவொற்றியூர் - 559, மாதவரம் - 400, மணலி - 228, பெருங்குடி - 278
    ஆலந்தூர் - 243, சோழிங்கநல்லூர் - 279
     

     
    Jun 3, 2020, 14:42 PM IST
  • டெல்லி அரசில் சம்பளம்

    போட பணம் இல்லை..

    டெல்லி துணை முதல்வர் மணீஷ் சிசோடியா இன்று அளித்த பேட்டியில், ‘‘டெல்லி அரசு ஊழியர்களுக்கு சம்பளம் போடவும், சாதாரணச் செலவுகளுக்கும் மாதம் ரூ.3500 கோடி தேவை. ஆனால், கடந்த 2 மாதங்களாக ஜி.எஸ்.டி வசூல் தலா ரூ.500 கோடி அளவில்தான் உள்ளது. மற்ற வழிகளிலும் ரூ.1735 கோடி வருவாய் மட்டுமே கிடைத்துள்ளது. எனவே, மத்திய அரசாங்கம் டெல்லி அரசுக்கு உடனடியாக ரூ.5 ஆயிரம் கோடி நிதி அளிக்க வேண்டும்’’ என்றார். 

    May 31, 2020, 14:10 PM IST
  • தொழிலாளர்களுக்கு எவ்வளவு

    கொடுத்தீர்கள்.. கபில்சிபல் கேள்வி

     

    காங்கிரஸ் மூத்த தலைவர் கபி்ல் சிபில், பிரதமர் மோடிக்கு ஒரு கேள்வி எழுப்பியுள்ளார். அவர் கூறுகையில், ‘‘பி.எம். கேர் நிதியில் இருந்து இது வரை எத்தனை தொழிலாளர்களுக்கு எவ்வளவு பணம் கொடுத்தீ்ர்கள்? இந்த ஊரடங்கு காலத்தில் பல தொழிலாளர்கள் பலியாகியுள்ளனர். சிலர் ரயிலில் இறந்து்ள்ளார்கள். சில நடக்கும் போது இறந்துள்ளார்கள். சிலர் பசியால் மடிந்துள்ளார்கள். நீங்கள் எவ்வளவு தொகை கொடுத்தீ்ர்கள் என்று பதில் கூற வேண்டும்’’ என்றார்

    May 31, 2020, 14:07 PM IST
  • தெருவுக்கு வாங்கய்யா..

    யஷ்வந்த் சின்கா ட்விட்

    முன்னாள் மத்திய அமைச்சர் யஷ்வந்த் சின்கா இன்று ஒரு ட்விட் பதிவிட்டுள்ளார். அதில், ‘‘ஏழைகளின் துயரங்களை கவனிக்காமல், மத்திய அரசு கண்களையும், காதுகளையும் மூடிக் கொண்டிருக்கும் போது, எதிர்க்கட்சிகள் வெறும் மனுக்களை கொடுத்து கொண்டிருப்பது சரியா? இதற்கு மேலும் வெறும் அறிக்கைகள் எதுவும் பலனளிக்காது. எதிர்க்கட்சிகள் அனைத்தும் தெருவுக்கு வந்து போராட வேண்டும்’’ என்று கூறியுள்ளார். 

    May 23, 2020, 14:18 PM IST