இன்சமாம் உல் அக்கின் உலகசாதனையை முறியடித்த ஸ்டீவ் ஸ்மித்!

by Mari S, Sep 14, 2019, 11:31 AM IST

இங்கிலாந்துக்கு எதிராக 9 அரைசதங்களை ஒரே டெஸ்ட் தொடரில் அடித்து சாதனை படைத்த இன்சமாம் உல் அக்கின் உலக சாதனையை முறியடித்து புதிய சாதனையை படைத்துள்ளார் ஸ்டீவ் ஸ்மித்.

ஆஸ்திரேலிய தொடக்க வீரர் டேவிட் வார்னரின் படுமோசமான ஆட்டத்தை விமர்சித்து வந்த அதே வேளையில், ஆஸ்திரேலிய கேப்டன் ஸ்டீவ் ஸ்மித், தொடர்ந்து 10 போட்டிகளில் அரைசதம் அடித்து புதிய உலக சாதனையை நிகழ்த்தி அசத்தியுள்ளார்.

பாகிஸ்தான் வீரர் இன்சமாம் உல் அக் இங்கிலாந்து அணிக்கு எதிராக ஆடிய 9 போட்டிகளில் தொடர்ந்து அரைசதம் அடித்து உலக சாதனையை படைத்து இருந்தார். அவரது சாதனையை அதற்கு பிறகு வேறு யாரும் முறியடிக்க முடியாமல் திணறி வந்தனர்.

இந்நிலையில், ஆஸ்திரேலிய அணி வீரர் ஸ்டீவ் ஸ்மித், கடைசி மற்றும் 5வது டெஸ்ட் போட்டியில் நேற்று சதத்தை தவறவிட்டு அவுட் ஆனார். ஆனால், அவர் அடித்திருந்த அரை சதத்தின் மூலம், இன்சமாம் உல் அக்கின் நீண்ட நாள் சாதனை முறியடிக்கப்பட்டு, முதலிடத்தை ஸ்டீவ் ஸ்மித் பிடித்துள்ளார்.

4வது டெஸ்ட் போட்டியில் அரை சதம் அடித்த போதே இன்சமாம் உல் அக்கின் உலக சாதனை சமன் செய்யப்பட்ட நிலையில், 5வது டெஸ்ட் போட்டியில் தொடர்ந்து 10 அரைசதங்கள் கடந்து ஒரு அணிக்கு எதிராக அதிக முறை அரைசதம் கடந்த வீரர் என்ற பட்டத்தை ஸ்டீவ் ஸ்மித் தனதாக்கியுள்ளார்.

இதுவரை 2-1 என முன்னிலை வகித்து வரும் ஆஸ்திரேலிய அணி இந்த 5வது டெஸ்ட் போட்டியில் வெல்லும் பட்சத்தில் ஆஷஸ் கோப்பையை வென்று சாம்பியன் ஆகும் என்பது குறிப்பிடத்தக்கது.


Leave a reply

Speed News

  • ஜெயலலிதா நினைவு இல்ல வழக்கு.. ஆக.12ம் தேதி விசாரணை

    ஜெயலலிதாவின் வீட்டை அரசு கையகப்படுத்த எதிர்ப்பு தெரிவித்து அவரது வாரிசுகள் தீபா, தீபக் தொடர்ந்த வழக்குகள் சென்னை உயர்நீதிமன்றத்தில் ஆகஸ்ட் 12ஆம் தேதி விசாரணைக்கு வர உள்ளன.

    சென்னை போயஸ் தோட்டத்தில் உள்ள ஜெயலலிதாவின் வேதா இல்லத்தை நினைவு இல்லமாக மாற்ற தமிழக அரசு நடவடிக்கை எடுத்து வருகிறது. அதன் அடிப்படையில் போயஸ் தோட்டம் அமைந்திருக்கும் 24,000 சதுர அடி நிலத்தை கையகப்படுத்தி அதற்கான இழப்பீடாக 68 கோடி ரூபாய் நிர்ணயித்து நீதிமன்றத்தில் செலுத்தப்பட்டது.

    இதை எதிர்த்து தீபா தொடர்ந்த வழக்கு, தீபக் தொடர்ந்த வழக்குகள் வரும் 12ம் தேதி நீதிபதிகள் வினீத் கோத்தாரி, கிருஷ்ணன் ராமசாமி அமர்வில் விசாரிக்கப்பட உள்ளது. 

    Aug 10, 2020, 14:48 PM IST

  • பிரணாப் முகர்ஜிக்கு கொரோனா..

    முன்னாள் ஜனாதிபதி பிரணாப் முகர்ஜிக்கு கொரோனா தொற்று பாதித்துள்ளது. இதை அவர் தனது ட்விட்டர் பக்கத்தில் தெரிவித்துள்ளார். தான் வேறொரு சிகிச்சைக்காக மருத்துவமனைக்கு சென்ற போது கோவிட்19 சோதனை செய்ததாகவும், அதில் தொற்று உறுதியானதாகவும் கூறியிருக்கிறார். மேலும், தன்னுடன் கடந்த சில நாட்களாக தொடர்பில் இருந்தவர்கள் தங்களை தனிமைப்படுத்திக் கொள்ளுமாறு கேட்டு கொண்டிருக்கிறார். 

    Aug 10, 2020, 14:41 PM IST

  • குஜராத்தி்ல் முகக்கவசம் அணியாவிட்டால் ஆயிரம் ரூபாய் அபராதம்..

    குஜராத்தில் மக்கள் வீட்டை விட்டு வெளியே செல்லும் போது, முகக்கவசம் அணியாவிட்டால், ஆயிரம் ரூபா்ய் அபராதம் விதிக்கப்பட உள்ளது. நாளை முதல் இது அமலுக்கு வரும் என்று முதலமைச்சர் விஜய் ரூபானி தெரிவித்துள்ளார். 

    Aug 10, 2020, 14:33 PM IST

  • ராஜஸ்தானி்ல் நாளை மாலை பாஜக எம்.எல்.ஏ.க்கள் கூட்டம்..

    ராஜஸ்தானில் அசோக் கெலாட் தலைமையிலான காங்கிரஸ் அரசு உள்ளது. கெலாட்டுக்கு எதிராக சச்சின் பைலட் உள்பட 19 எம்.எல்.ஏக்கள் திரும்பியதால் அரசியல் குழப்பம் ஏற்பட்டுள்ளது. இதையடுத்து, வரும் 14ம் தேதி சட்டசபையில் நம்பிக்கை வாக்கெடுப்பு நடைபெற உள்ளது. இதையடுத்து, ஆளும் காங்கிரஸ், எதிர்க்கட்சி பாஜக ஆகியவை தங்கள் எம்.எல்.ஏ.க்களை ஓட்டல்களில் அடைத்து வைத்திருக்கின்றன.

    இந்நிலையில், நாளை(ஆக.11) மாலை 4 மணிக்கு பாஜக எம்.எல்.ஏ.க்கள் கூட்டம் நடைபெற உள்ளது. பாஜக எம்.எல்.ஏ.க்களில் சிலர் காங்கிரசுக்கு ஆதரவாக மாறலாம் என்ற பேச்சு எழுந்த நிலையில், இந்த கூட்டம் நடைபெறுகிறது. 

    Aug 10, 2020, 14:31 PM IST

  • டெல்லி, மும்பை, சென்னையில் கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST

More Sports News