நேற்று விஜய்க்கு நடந்தது இன்று விஜய் சேதுபதிக்கு நடந்துவிட்டது.. படப்பிடிப்பு அரங்குகள் நாசமானதற்கு என்னதான் காரணம்

by Sakthi, May 3, 2019, 21:45 PM IST

சென்னையில், நேற்று நடிகர் விஜய் படப்பிடிப்பு அரங்கில் மிகப்பெரிய தீவிபத்து ஏற்பட்ட நிலையில் தற்போது நடிகர் விஜய் சேதுபதி படப்பிடிப்பிலும் மிகப்பெரிய தீ விபத்து ஏற்பட்டுள்ளது.

விஜய்

நடிகர் விஜய் நடிக்கும் 63வது படத்தை டைரக்டர் அட்லி இயக்குகிறார். இந்த படத்திற்கு இன்னும் பெயரிடப்படவில்லை. இந்த படத்திற்கான படப்பிடிப்பு சென்னை மீனம்பாக்கத்தில் உள்ள பின்னி மில்லில், அரங்குகள் அமைத்து நடைபெற்று வருகிறது. நேற்று பிற்பகல் 1 மணியளவில் படப்பிடிப்புக்காக புதிதாக அரங்குகள் அமைக்கும் பணியில் தொழிலாளர்கள் ஈடுபட்டிருந்தனர். அந்த பகுதியில் காய்ந்த மரக்கழிவுகள் மற்றும் இலைகள் கிடந்தன. இரும்பு கம்பிகள் வெல்டிங் வைக்கப்படும்போது அதில் இருந்து பறந்த தீப்பொறி காய்ந்த இலைகளில் பட்டு தீப்பற்றியது.

மற்ற அரங்குகளிலும் தீ பரவியது. அரங்கில் மரப்பலகைகள் அதிகம் இருந்ததால் அரங்குகளில் தீ கொழுந்து விட்டு எரிந்தது. தீயணைப்பு வீரர்கள் சுமார் 4 மணி நேரம் போராடி தீயை அணைத்தனர். இதனால் ஏற்பட்ட சேதம் பற்றி எந்த தகவலும் வெளியாகவில்லை. அங்கிருந்த 25க்கும் மேற்பட்ட சினிமா அரங்குகள் நாசமாகியுள்ளது என்னும் தகவல் மட்டும் வெளியானது. அவ்வளவு பெரிய இடத்தில் தீ விபத்து போன்ற அவசர காலத்தில் மீட்பு பணிகள் மேற்கொள்ள முன்னெச்சரிக்கை நடவடிக்கைகள் எதுவுமே எடுக்கப்படவில்லையாம்.

விஜய் சேதுபதி

இந்த பரபரப்பு அடங்குவதற்குள் தற்போது விஜய் சேதுபதியில் படப்பிடிப்பில் தீ விபத்து ஏற்பட்டு பெரும் சேதத்தை ஏற்படுத்தியுள்ளது. சயீரா படத்தின் படப்பிடிப்பு ஹைதராபாத்தில் தற்போது மும்முரமாக நடைபெற்று வருகிறது. கடந்த ஒரு மாதமாக நடிகர் சிரஞ்சீவி வெளிநாட்டு சுற்றுப்பயணத்தில் இருந்ததால் சயீரா நரசிம்ம ரெட்டி படத்தின் படப்பிடிப்பு நிறுத்தி வைக்கப்பட்டிருந்தது. நேற்றுதான் மீண்டும் படப்பிடிப்பு தொடங்கியது. சிரஞ்சீவியின் பண்ணை வீட்டில் பிரமாண்ட செட் அமைக்கப்பட்டதாம். அங்கு ஏற்பட்ட மின்கசிவால் தீ விபத்து ஏற்பட்டுள்ளது. தீ விபத்தில் பிரமாண்ட செட் தீயில் கருகி நாசமாகிவிட்டது. அதன் மதிப்பு 2 கோடி ரூபாய் என்று படக்குழு தெரிவித்துள்ளது. தீ விபத்து ஏற்பட்டபோது யாரெல்லாம் படப்பிடிப்பில் இருந்தார்கள் என்னும் தகவல் இன்னும் வெளியாகவில்லை. அவ்வளவு பெரிய அரங்கு உருவாக்கப்பட்டுள்ளது. ஆனால் அந்த இடத்தில் போதுமான தண்ணீர் வசதியோ தீயணைக்கும் வசதியோ இல்லை என்பதே பொருள் சேதத்துக்கு காரணம்.


Leave a reply

Speed News

  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST
  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST

More Cinema News