இந்த வாரம் பட வெளியீட்டில் ஏற்பட்ட குழறுபிடியால் ரசிகர்கள் ஏமாற்றம் அடைந்துள்ளனர். சரி, இந்த வீக்கெண்டுக்கு எந்தெந்த படங்கள் ரிலீஸ் என ஒரு டீடெயில் ரிப்போர்ட்.
வெளியாகாத படம்:
இந்த வார ரிலீஸிலிருந்து தள்ளிப்போயிருக்கும் படம் விஷாலின் அயோக்யா. வெங்கட் மோகன் இயக்கத்தில் விஷால், ராஷிகண்ணா, பார்த்திபன் நடிப்பில் இன்று வெளியாகும் என்று அறிவிக்கப்பட்டிருந்த அயோக்யா எதிர்பாராத சில காரணத்தால் ரிலீஸாக முடியவில்லை. அதனால் தள்ளிப்போகிறது. இதற்கு காரணம் என்னவென்று விசாரித்தால், டெம்பர் படத்தின் ரீமேக் தான் அயோக்யா. டெம்பர் பட அனைத்து மொழி உரிமையை இந்தி தயாரிப்பாளர் ஒருவருக்கு விற்றுள்ளனர். அவர் தான் டெம்பர் இந்தி ரீமேக்கான சிம்பா படத்தை எடுத்தவர். இந்நிலையில் தமிழுக்கு தனியாக உரிமையை விற்கப்பட்டுள்ளது. இதை அறிந்த இந்தி தயாரிப்பாளர் என்னிடம் தான் அனைத்து மொழி உரிமையும் இருக்கிறது ஆக, எனக்கு 3 கோடி கொடுத்தால் மட்டுமே ரிலீஸ் செய்யமுடியும் என்று தடை வாங்கியிருக்கிறார். இதனால் தயாரிப்பு தரப்பு பொருளாதார சிக்கலில் இருக்கிறது.
பின் வாங்கிய இச்சாதாரி பாம்பு:
ஜெய், வரலெட்சுமி, ராய்லெட்சுமி, கேத்ரின் தெரஸா உள்ளிட்டோர் நடிப்பில் உருவான நீயா2 படமும் இன்று வெளியிட படக்குழு திட்டமிட்டிருந்தது. ஆனால் விஷாலின் அயோக்யா, அதர்வாவின் 100, ஜீவாவின் கீ படங்கள் வெளியாவதால் திரையரங்கம் கிடைப்பதிலும், வசூலிலும் சிக்கல் ஏற்படும் என நீயா 2 பின்வாங்கியது. எந்த போட்டியின்றி படத்தை வெளியிட திட்டமிட்டிருக்கிறது படகுழு. நகைச்சுவை என்னவென்றால், விஷாலைப் பார்த்து பின்வாங்கியது நீயா 2. ஆனால் விஷாலின் படமே வெளியாக முடியவில்லை.
.jpg "100")
சிக்கலை உடைத்தெறிந்த 100:
அடுத்து, மே 9ஆம் தேதியான நேற்று அதர்வா நடிப்பில் 100 படம் வெளியாகும் என்று அறிவித்திருந்தனர். ஆனால் பொருளாதார சிக்கலால் அப்படமும் வெளியாக முடியவில்லை. படத்தை வெளியிடுவதில் தடை கோரி நீதிமன்றத்தில் வழக்கு ஒன்று தொடரப்பட்டிருந்தது. ஆனால், 100 படத்துக்கு இருந்த தடையை நீதிபதி நீக்கி உத்தரவிட்டதால், இன்று வெளியாகும் என்று ஏதிர்பார்க்கப்படுகிறது. ஆனால் இன்று காலை காட்சி இரத்தாகியிருப்பது குறிப்பிடத்தக்கது. அக, 100 படம் வெளியாகுமா, வெளியாகாதா என்பது சிக்கலாகவே இருக்கிறது.
இன்று வெளியாகும் படங்கள்:
ஜீவாவின் கீ படம் வெளியாவது அதிகாரப்பூர்வமாக உறுதியாகியுள்ளது. இதில் எந்த மாற்றமும் இல்லை. தவிர பேரழகில் ஐஎஸ்ஓ, உண்மையின் வெளிச்சம் 3டி, காதல் முன்னேற்ற கழகம் மற்றும் வேதமானவன் உள்ளிட்ட சிறிய பட்ஜெட் படங்களும் வெளியாகிறது. இந்தியில் டைகர் ஷரஃப் நடிப்பில் ‘ஸ்டூடண்ட் ஆஃப் தி இயர் 2 ’ படம் வெளியாகிறது. அதுபோல மகேஷ்பாபு நடிப்பில் நேற்றே வெளியாகிவிட்ட மகரிஷி படங்களை பார்த்து மகிழலாம். இறுதியாக, 90's கிட்ஸின் ஃபேவரைட் போக்கிமான்கள் தான். அதை மையமாக கொண்டு "POKÉMON Detective Pikachu" படம் இன்று திரைக்கு வந்துள்ளது.
