40 ஆண்டுக்கு பிறகு ஒரே படத்தில் ரஜினி, கமல்.. காலத்தால் ஒன்றிணையும் நண்பர்கள்..

by Chandru, Dec 5, 2019, 17:11 PM IST
நினைத்தாலே இனிக்கும், தில்லுமுள்ளு, அலாவுதினும் அற்புத விளக்கும், தாயில்லாமல் நானில்லை., நட்சத்திரம், அபூர்வ ராகங்கள், 16 வயதினிலே, ஆடு புலி ஆட்டம் போன்ற பல படங்களில் கமல்ஹாசன், ரஜினிகாந்த் இணைந்து நடித்தனர்.
ஒரு கட்டத்துக்கு பிறகு இருவரும் இணைந்து நடிப்பதில்லை என்று ரகசிய உடன்படிக்கை செய்து கடந்த 40 வருடமாக அதை கடைபிடித்து வருகின்றனர். இதற்கிடையில் ஷங்கர் உள்ளிட்ட ஒரு சில இயக்குனர்கள் இருவரையும் இணைத்து படம் இயக்க முயற்சி மேற்கொண்டனர. அது பலன் அளிக்கவில்லை.
தற்போது ரஜினியும், கமலும் சினிமாவில் நடித்து வரும் அதேவேளையில் அரசியல் அரங்கிலும் தங்களை ஈடுபடுத்திக் கொண் டிருக்கின்றனர். கமல்ஹாசன் மக்கள் நீதி மய்யம் கட்சியை தொடங்கிவிட்டார். ரஜினிகாந்த் தனிக்கட்சி தொடங்க உள்ளதாக கூறியிருக்கிறார். சமீபத்தில் கமலின் 60வருட திரையுலக சேவைக்காக பாராட்டு விழா நடந்தது. அப்போது பேசிய ரஜினி, கமல் இருவரும் அரசியலில் இணைந்து பயணிக்க உள்ள தாக தெரிவித்தனர். இந்த திட்டத்தை அவர்கள் எப்படி செயல்படுத்தப் போகிறார்கள் என்பது தெளிவாகாத நிலையில் இருவரும் இணைந்து படத்தில் நடிக்க உள்ளதாக தகவல் பரவி வருகிறது.
ரஜினிகாந்த் நடித்துள்ள தர்பார் படம் பொங்கலுக்கு திரைக்கு வருகிறது. அடுத்து சிறுத்தை சிவா இயக்கத்தில் 168வது படம் நடிக்கிறார். இப்படத்தை சன் பிக்சர்ஸ் தயாரிக்கிறது. அதேபோல் கமல்ஹாசன் இந்தியன் 2ம் பாகம் நடித்து வருகிறார். இப்படத்துக்கு பிறகு கமல் நடிப்பிலிருந்து ஒதுங்கி தீவிர அரசியலில் ஈடுபட முடிவு செய்திருக்கிறார். ஆனால் ரஜினிகாந்த் சிவா படத்துக்கு பிறகும் தொடர்ந்து நடிக்க உள்ளார்.
சமீபத்தில் கைதி பட இயக்குனர் லோகேஷ் கனகராஜ் ரஜினியை சந்தித்தார். இதையடுத்து ரஜினியின் அடுத்த படத்தை லோகேஷ் இயக்கலாம் என்று கூறப்படுகிறது. அநேகமாக இப்படத்தை கமலின் ராஜ் கமல் நிறுவனம் தயாரிக்கும். அப்படத்தில் ரஜினி ஹீரோவாக நடிக்க கமல் கெஸ்ட்ரோலில் நடிக்கலாம் என்றும் கூறப்படுகிறது.
ரஜினி, கமல் 40 வருடத்துக்கு பிறகு இணைந்து நடிக்க உள்ளதாக பரவும் தகவலை கண்ட ரசிகர்கள் நண்பர்கள் இருவரையும் காலம் ஒன்றிணைக்கிறது. இந்த இணைப்பு நடந்தே தீரும் என்கின்றனர்.


Speed News

  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST
  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST