சூப்பர் ஸ்டார் நடித்த பேட்ட படத்தை இயக்கிய கார்த்திக் சுப்பராஜ் விரைவில் விக்ரம் நடிக்கும் படத்தை இயக்க உள்ளார். இது விக்ரம் நடிக்கும் 60வது படம். இப்படத்தில் விக்ரமுடன் அவரது மகன் துருவ் நடிக்க உள்ளதாகத் தகவல் வெளியாகி இருக்கிறது. இருவரும் இணையும் முதல் படமாக இது இருக்கும். ஏற்கனவே கடந்த ஆண்டு ஆதித்ய வர்மா படம் மூலம் தமிழில் ஹீரோவாக அறிமுகமானவர் துருவ்.
தற்போதுகோப்ரா, பொன்னிய்ன் செல்வன் படங்களில் விக்ரம் நடித்து வருகிறார். இப்படங்களை முடித்த பிறகு கார்த்திக் சுப்பராஜ் படத்தில் நடிக்க உள்ளார். இதற்கிடையில் கார்த்திக் சுப்பராஜ் தனுஷ் நடிக்கும் ஜகமே தந்திரம் படத்தை இயக்கி உள்ளார். அப்படத்தின் போஸ்ட் புரொடக்ஷன் பணிகள் நடந்து வருகிறது. கொரோனா ஊரடங்கிற்குப் பிறகு இப்படம் ரிலிஸ் ஆகவுள்ளது. அதன் பிறகு விக்ரம் 60 படத்தைத் தொடங்க உள்ளார் கார்த்திக் சுப்பராஜ் .
