ஒரே டுவீட்.. இரண்டு மாங்காய்... நடிகர் சூர்யாவின் `அரசியல் விளையாட்டா இது..?

by Sasitharan, Jul 29, 2020, 12:39 PM IST

தமிழ் சினிமாவின் முக்கியமான நடிகர்களில் ஒருவர் சூர்யா. தமிழ் சினிமாவைத் தாண்டி, தெலுங்கு, மலையாளத்திலும் இவருக்கு மற்ற நடிகர்களைக் காட்டிலும் மவுசு இருக்கிறது. நடிப்பைத் தாண்டி சமூகப் பணிகளிலும் தொடர்ந்து கவனம் செலுத்தி வருகிறார் சூர்யா. குறிப்பாக `அகரம்' மூலம் பல ஆண்டுகளாக கல்வி சேவைகள் செய்து வரும் சூர்யா சமீபகாலமாக அரசியல் குறித்தும் பேசத் தொடங்கியுள்ளார். நீட், மத்திய அரசின் தேசியக் கல்விக்கொள்கை உள்ளிட்ட பிரச்சனைகளின் போது மத்திய அரசை நேரடியாக விமர்சித்தார். இதற்கு எதிர்ப்பும், வரவேற்பும் ஒரு சேர கிடைத்தது. அப்போது நடந்த `காப்பான்' பட விழாவில், `சூர்யாவின் பேச்சு மோடிக்கு கேட்டு விட்டது'' என்றார் ரஜினி.

இதன் பின்பும், 8ம் வகுப்பு பொதுத் தேர்வு, சாத்தான்குளம் உள்ளிட்ட சம்பவங்களிலும் சூர்யா தன் குரலை வலுவாக மாநில அரசுக்கு எதிராக வெளிப்படுத்தினார். இந்நிலையில், தமிழகத்தின் தற்போதையை பிரச்சனைகளில் முக்கியமானது மத்திய அரசின் EIA தாக்க அறிக்கை விவகாரம். மத்திய அரசு புதிதாக திருத்தம் செய்து வெளியிட்டிருக்கும் இந்த சுற்றுச்சூழல் தாக்க மதிப்பீட்டு விதிகள் வரைவிற்கு யாரும் எதிர்பாராத விதமாக சூர்யாவின் தம்பி கார்த்தி எதிர்ப்பு தெரிவித்து நேற்று அறிக்கை வெளியிட்டார். EIA அறிக்கையில் உள்ள குளறுபடிகளை குறிப்பிட்டு மத்திய அரசை பல்வேறு வகையில் அந்த அறிக்கையில் தாக்கி இருந்தார் கார்த்தி. இது விவாதமாக மாறியுள்ள நிலையில், தற்போது தம்பி கார்த்திக்கு ஆதரவாக டுவீட் செய்துள்ளார் சூர்யா.

அவர் போட்டது ஒரே டுவீட்தான். ஆனால் அதில் இரண்டு விஷயங்களை பேசியிருப்பதாக கூறுகிறார்கள் அரசியல் ஆர்வலர்கள். EIA விவகாரத்துடன் தமிழகத்தின் மற்றொரு ஹாட் டாப்பிக் கந்த சஷ்டி கவசத்தை கறுப்பர் கூட்டம் யூ டியூப் சேனல் கொச்சைப்படுத்தியதாக கூறப்பட்ட விவகாரம். இந்த விவகாரத்தில் கறுப்பர் கூட்டத்துக்கு பின்னால் இருப்பது திமுக தான் என்ற விமர்சனம் எழுந்துள்ளது. இப்படியான நிலையில், தான் இந்த இரண்டு விவகாரங்களையும் இணைத்து, ``பேசிய வார்த்தைகளை விட, பேசாத மௌனம் மிக ஆபத்தானது. காக்க.. காக்க.. சுற்றுச்சூழல் காக்க.. நம் மௌனம் கலைப்போம்.." என்று தனது டுவீட்டில் விமர்சனம் செய்துள்ளார் சூர்யா.


Leave a reply

Speed News

  • ஜெயலலிதா நினைவு இல்ல வழக்கு..

    ஆக.12ம் தேதி விசாரணை

    ஜெயலலிதாவின் வீட்டை அரசு கையகப்படுத்த எதிர்ப்பு தெரிவித்து அவரது வாரிசுகள் தீபா, தீபக் தொடர்ந்த வழக்குகள் சென்னை உயர்நீதிமன்றத்தில் ஆகஸ்ட் 12ஆம் தேதி விசாரணைக்கு வர உள்ளன.

    சென்னை போயஸ் தோட்டத்தில் உள்ள ஜெயலலிதாவின் வேதா இல்லத்தை நினைவு இல்லமாக மாற்ற தமிழக அரசு நடவடிக்கை எடுத்து வருகிறது. அதன் அடிப்படையில் போயஸ் தோட்டம் அமைந்திருக்கும் 24,000 சதுர அடி நிலத்தை கையகப்படுத்தி அதற்கான இழப்பீடாக 68 கோடி ரூபாய் நிர்ணயித்து நீதிமன்றத்தில் செலுத்தப்பட்டது.

    இதை எதிர்த்து தீபா தொடர்ந்த வழக்கு, தீபக் தொடர்ந்த வழக்குகள் வரும் 12ம் தேதி நீதிபதிகள் வினீத் கோத்தாரி, கிருஷ்ணன் ராமசாமி அமர்வில் விசாரிக்கப்பட உள்ளது. 
    Aug 10, 2020, 14:48 PM IST
  • பிரணாப் முகர்ஜிக்கு கொரோனா..

    முன்னாள் ஜனாதிபதி பிரணாப் முகர்ஜிக்கு கொரோனா தொற்று பாதித்துள்ளது. இதை அவர் தனது ட்விட்டர் பக்கத்தில் தெரிவித்துள்ளார். தான் வேறொரு சிகிச்சைக்காக மருத்துவமனைக்கு சென்ற போது கோவிட்19 சோதனை செய்ததாகவும், அதில் தொற்று உறுதியானதாகவும் கூறியிருக்கிறார். மேலும், தன்னுடன் கடந்த சில நாட்களாக தொடர்பில் இருந்தவர்கள் தங்களை தனிமைப்படுத்திக் கொள்ளுமாறு கேட்டு கொண்டிருக்கிறார். 

    Aug 10, 2020, 14:41 PM IST
  • குஜராத்தி்ல் முகக்கவசம் அணியாவிட்டால்

    ஆயிரம் ரூபாய் அபராதம்..

    குஜராத்தில் மக்கள் வீட்டை விட்டு வெளியே செல்லும் போது, முகக்கவசம் அணியாவிட்டால், ஆயிரம் ரூபா்ய் அபராதம் விதிக்கப்பட உள்ளது. நாளை முதல் இது அமலுக்கு வரும் என்று முதலமைச்சர் விஜய் ரூபானி தெரிவித்துள்ளார். 

    Aug 10, 2020, 14:33 PM IST
  • ராஜஸ்தானி்ல் நாளை மாலை

    பாஜக எம்.எல்.ஏ.க்கள் கூட்டம்..

    ராஜஸ்தானில் அசோக் கெலாட் தலைமையிலான காங்கிரஸ் அரசு உள்ளது. கெலாட்டுக்கு எதிராக சச்சின் பைலட் உள்பட 19 எம்.எல்.ஏக்கள் திரும்பியதால் அரசியல் குழப்பம் ஏற்பட்டுள்ளது. இதையடுத்து, வரும் 14ம் தேதி சட்டசபையில் நம்பிக்கை வாக்கெடுப்பு நடைபெற உள்ளது. இதையடுத்து, ஆளும் காங்கிரஸ், எதிர்க்கட்சி பாஜக ஆகியவை தங்கள் எம்.எல்.ஏ.க்களை ஓட்டல்களில் அடைத்து வைத்திருக்கின்றன.

    இந்நிலையில், நாளை(ஆக.11) மாலை 4 மணிக்கு பாஜக எம்.எல்.ஏ.க்கள் கூட்டம் நடைபெற உள்ளது. பாஜக எம்.எல்.ஏ.க்களில் சிலர் காங்கிரசுக்கு ஆதரவாக மாறலாம் என்ற பேச்சு எழுந்த நிலையில், இந்த கூட்டம் நடைபெறுகிறது. 

    Aug 10, 2020, 14:31 PM IST
  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST

More Cinema News