நெட்டில் லீக் ஆன ரஜினியின் அண்ணாத்த பட கதை..

by Chandru, Jul 30, 2020, 13:30 PM IST

தர்பார் படத்துக்குப் பிறகு சூப்பர் ஸ்டார் ரஜினிகாந்த் நடிக்கும் படம் அண்ணாத்த. இப்படத்தைச் சிறுத்தை சிவா இயக்குகிறார். இதன் பெரும்பகுதி படப்பிடிப்பு முடிந்த நிலையில் கொரோனா ஊரடங்கால் படப்பிடிப்பு நிறுத்தி வைக்கப்பட்டிருக்கிறது. ஊரடங்கு முடிந்த பிறகு படப்பிடிப்பு தொடங்க உள்ளது. இப்படம் குடும்ப கதையாக உருவாகிறது. மீனா, குஷ்பு, நயன்தாரா என ரஜினியுடன் ஏற்கனவே பிற படங்களில் நடித்துள்ள பிரபல நடிகைகள் இதில் ஜோடி சேர்ந்திருப்பதுடன் கீர்த்தி சுரேஷ் முதன் முறையாக ரஜினி படத்தில் இணைகிறார்.

இந்நிலையில் இப்பட்டத்தின் கதை என்று சொல்லி ஒரு தகவல் நெட்டில் வெளியாகி வருகிறது. ரஜினியை மீனா, குஷ்பு போட்டிப் போட்டு காதலிக்கின்றனர். இருவருமே ரஜினி மீது அதிக பிரியமும், காதலும் வைத்திருக்கின்றனர். இவர்களில் யாரையாவது ஒருவரை மணந்தால் இன்னொருவருக்கு மனஸ்தாபம் ஏற்படும் என்பதால் அவர்கள் இருவருக்குப் பதிலாக வேறுவொரு பெண்ணை ரஜினி மணக்கிறார். அவருக்குப் பிறக்கும் மகளை தங்கள் பிள்ளைகளுக்கு மணம் முடிக்க வேண்டும் என்று பின்னர் மீனா. குஷ்புவுக்குள் போட்டி ஏற்பட அதில் ரஜினியின் மகளான கீர்த்திசுரேஷ் யார் வீட்டுப் பிள்ளையை மணந்தார் என்று கதை செல்கிறதாம்.

ரஜினிகாந்த் முழு நீள குடும்ப பாங்கான கதையில் நடித்து நீண்ட நாள் ஆகிவிட்டதால் அண்ணாத்த படத்தை முற்றிலும் குடும்ப பாங்கான கதையாக இயக்குனர் சிவா அமைத்திருக்கிறாராம். அத்துடன் தேவையான இடத்தில் ஆக்‌ஷன் பஞ்ச் வசனங்களும் உள்ளதாம்.கொரோனா ஊரடங்கால் நடிகர்கள் சம்பளம் குறைத்து வருகின்றனர். அதுபோல் ரஜினியிடமும் இப்படத்துக்கு சம்பளம் குறைக்கக் கேட்டதாகவும் ஆனால் ரஜினி மறுத்து படத்திலிருந்து வெளியேறிவிட்டதாக வதந்தி பரவியது. ஆனால் அதில் உண்மை இல்லை என்று கூறப்படுகிறது


Leave a reply

Speed News

  • பெங்களூரு கலவரத்தில் இது வரை 206 பேர் கைது

     

    பெங்களூருவில் காங்கிரஸ் எம்.எல்.ஏ. உறவினர் நவீன் என்பவர் பேஸ்புக்கில் போட்ட பதிவால் கடந்த 2 நாட்களுக்கு முன்பு கலவரம் வெடித்தது. வாகனங்கள் தீக்கிரையாக்கப்பட்டன. எம்.எல்.ஏ. வீடு தாக்கப்பட்டது. 

    இந்த கலவரம் தொடர்பாக பெங்களூரு மாநகராட்சி கவுன்சிலரின் கணவர் கலீம் பாஷா உள்பட  இது வரை 206 பேர் கைது செய்யப்பட்டுள்ளதாக போலீஸ் இணை கமிஷனர் சந்தீப் பாடீல் தெரிவித்துள்ளார். 

    Aug 14, 2020, 10:15 AM IST

  • ஜெயலலிதா நினைவு இல்ல வழக்கு.. ஆக.12ம் தேதி விசாரணை

    ஜெயலலிதாவின் வீட்டை அரசு கையகப்படுத்த எதிர்ப்பு தெரிவித்து அவரது வாரிசுகள் தீபா, தீபக் தொடர்ந்த வழக்குகள் சென்னை உயர்நீதிமன்றத்தில் ஆகஸ்ட் 12ஆம் தேதி விசாரணைக்கு வர உள்ளன.

    சென்னை போயஸ் தோட்டத்தில் உள்ள ஜெயலலிதாவின் வேதா இல்லத்தை நினைவு இல்லமாக மாற்ற தமிழக அரசு நடவடிக்கை எடுத்து வருகிறது. அதன் அடிப்படையில் போயஸ் தோட்டம் அமைந்திருக்கும் 24,000 சதுர அடி நிலத்தை கையகப்படுத்தி அதற்கான இழப்பீடாக 68 கோடி ரூபாய் நிர்ணயித்து நீதிமன்றத்தில் செலுத்தப்பட்டது.

    இதை எதிர்த்து தீபா தொடர்ந்த வழக்கு, தீபக் தொடர்ந்த வழக்குகள் வரும் 12ம் தேதி நீதிபதிகள் வினீத் கோத்தாரி, கிருஷ்ணன் ராமசாமி அமர்வில் விசாரிக்கப்பட உள்ளது. 

    Aug 10, 2020, 14:48 PM IST

  • பிரணாப் முகர்ஜிக்கு கொரோனா..

    முன்னாள் ஜனாதிபதி பிரணாப் முகர்ஜிக்கு கொரோனா தொற்று பாதித்துள்ளது. இதை அவர் தனது ட்விட்டர் பக்கத்தில் தெரிவித்துள்ளார். தான் வேறொரு சிகிச்சைக்காக மருத்துவமனைக்கு சென்ற போது கோவிட்19 சோதனை செய்ததாகவும், அதில் தொற்று உறுதியானதாகவும் கூறியிருக்கிறார். மேலும், தன்னுடன் கடந்த சில நாட்களாக தொடர்பில் இருந்தவர்கள் தங்களை தனிமைப்படுத்திக் கொள்ளுமாறு கேட்டு கொண்டிருக்கிறார். 

    Aug 10, 2020, 14:41 PM IST

  • குஜராத்தி்ல் முகக்கவசம் அணியாவிட்டால் ஆயிரம் ரூபாய் அபராதம்..

    குஜராத்தில் மக்கள் வீட்டை விட்டு வெளியே செல்லும் போது, முகக்கவசம் அணியாவிட்டால், ஆயிரம் ரூபா்ய் அபராதம் விதிக்கப்பட உள்ளது. நாளை முதல் இது அமலுக்கு வரும் என்று முதலமைச்சர் விஜய் ரூபானி தெரிவித்துள்ளார். 

    Aug 10, 2020, 14:33 PM IST

  • ராஜஸ்தானி்ல் நாளை மாலை பாஜக எம்.எல்.ஏ.க்கள் கூட்டம்..

    ராஜஸ்தானில் அசோக் கெலாட் தலைமையிலான காங்கிரஸ் அரசு உள்ளது. கெலாட்டுக்கு எதிராக சச்சின் பைலட் உள்பட 19 எம்.எல்.ஏக்கள் திரும்பியதால் அரசியல் குழப்பம் ஏற்பட்டுள்ளது. இதையடுத்து, வரும் 14ம் தேதி சட்டசபையில் நம்பிக்கை வாக்கெடுப்பு நடைபெற உள்ளது. இதையடுத்து, ஆளும் காங்கிரஸ், எதிர்க்கட்சி பாஜக ஆகியவை தங்கள் எம்.எல்.ஏ.க்களை ஓட்டல்களில் அடைத்து வைத்திருக்கின்றன.

    இந்நிலையில், நாளை(ஆக.11) மாலை 4 மணிக்கு பாஜக எம்.எல்.ஏ.க்கள் கூட்டம் நடைபெற உள்ளது. பாஜக எம்.எல்.ஏ.க்களில் சிலர் காங்கிரசுக்கு ஆதரவாக மாறலாம் என்ற பேச்சு எழுந்த நிலையில், இந்த கூட்டம் நடைபெறுகிறது. 

    Aug 10, 2020, 14:31 PM IST

More Cinema News