சென்னையில் பெண் தொழிலதிபர் தற்கொலை?

by எஸ். எம். கணபதி, Sep 12, 2019, 17:50 PM IST

சென்னையில் பிரபல பெண் தொழிலதிபர் ரீட்டா லங்காலிங்கம் மர்மமான முறையில் இறந்து கிடந்தார்.

சென்னையில் லேன்சன் டொயட்டோ கார் டீலர் நிறுவனம் ஒன்றின் இணை நிர்வாக இயக்குனராக இருந்தவர் ரீட்டா லங்காலிங்கம்(50). அவரது கணவர் லங்காலிங்கம் முருகேசு, அந்த நிறுவனத்தின் தலைவர் மற்றும் நிர்வாக இயக்குனராக இருக்கிறார். இவர்கள் நுங்கம்பாக்கம் கோத்தாரி தெருவில் உள்ள பங்களாவில் வசித்து வந்தனர். இவர்கள், ஆட்டோமொபைல் தவிர உணவுத் துறை வர்த்தகம் மற்றும் ஏற்றுமதியில் ஈடுபட்டு வந்தனர்.

இந்நிலையில், ரீட்டாவை பார்ப்பதற்காக அவர்களின் கம்பெனியில் இருந்து ஏசுபாதம் என்ற சூபர்வைசர், இன்று காலை 9 மணிக்கு வீட்டிற்கு வந்தார்.

அப்போது வீட்டில் இருந்து 4 வேலைக்காரர்கள், காலையில் இருந்து ரீட்டா இன்னும் வெளியே வரவில்லை என்று தெரிவித்தனர். உடனடியாக, அவரது அறைக்கதவை திறந்து பார்த்த போது அவர் இறந்து கிடந்தார். அப்போது வீட்டில் லங்காலிங்கம் இல்லை. இதனால், அவருக்கும், காவல்துறைக்கும் ஏசுபாதம் தகவல் கொடுத்தார்.

உடனடியாக நுங்கம்பாக்கம் உதவி போலீஸ் கமிஷனர் முத்துவேல் பாண்டி தலைமையில் போலீசார் அங்கு வந்து பார்வையிட்டனர். உதவிக் கமிஷனர் முத்துவேல் பாண்டி கூறுகையில், ரீட்டா எந்த கடிதமும் எழுதி வைத்ததாக தெரியவில்லை. அவரது மரணம், தற்கொலையா என்பது குறித்து விசாரணைக்கு பின்பு தெரிய வரும் என்றார்.

சென்னையில் வேறொரு வீட்டில் வசிக்கும் ரீட்டாவின் மகனுக்கும், வெளிநாட்டில் வசிக்கும் மகளுக்கும் தகவல் தரப்பட்டுள்ளது. மேலும், ரீட்டாவின் மரணம் குறித்து போலீசார் விசாரித்து வருகின்றனர்.


Leave a reply

Speed News

  • பெங்களூரு கலவரத்தில் இது வரை 206 பேர் கைது

     

    பெங்களூருவில் காங்கிரஸ் எம்.எல்.ஏ. உறவினர் நவீன் என்பவர் பேஸ்புக்கில் போட்ட பதிவால் கடந்த 2 நாட்களுக்கு முன்பு கலவரம் வெடித்தது. வாகனங்கள் தீக்கிரையாக்கப்பட்டன. எம்.எல்.ஏ. வீடு தாக்கப்பட்டது. 

    இந்த கலவரம் தொடர்பாக பெங்களூரு மாநகராட்சி கவுன்சிலரின் கணவர் கலீம் பாஷா உள்பட  இது வரை 206 பேர் கைது செய்யப்பட்டுள்ளதாக போலீஸ் இணை கமிஷனர் சந்தீப் பாடீல் தெரிவித்துள்ளார். 

    Aug 14, 2020, 10:15 AM IST

  • ஜெயலலிதா நினைவு இல்ல வழக்கு.. ஆக.12ம் தேதி விசாரணை

    ஜெயலலிதாவின் வீட்டை அரசு கையகப்படுத்த எதிர்ப்பு தெரிவித்து அவரது வாரிசுகள் தீபா, தீபக் தொடர்ந்த வழக்குகள் சென்னை உயர்நீதிமன்றத்தில் ஆகஸ்ட் 12ஆம் தேதி விசாரணைக்கு வர உள்ளன.

    சென்னை போயஸ் தோட்டத்தில் உள்ள ஜெயலலிதாவின் வேதா இல்லத்தை நினைவு இல்லமாக மாற்ற தமிழக அரசு நடவடிக்கை எடுத்து வருகிறது. அதன் அடிப்படையில் போயஸ் தோட்டம் அமைந்திருக்கும் 24,000 சதுர அடி நிலத்தை கையகப்படுத்தி அதற்கான இழப்பீடாக 68 கோடி ரூபாய் நிர்ணயித்து நீதிமன்றத்தில் செலுத்தப்பட்டது.

    இதை எதிர்த்து தீபா தொடர்ந்த வழக்கு, தீபக் தொடர்ந்த வழக்குகள் வரும் 12ம் தேதி நீதிபதிகள் வினீத் கோத்தாரி, கிருஷ்ணன் ராமசாமி அமர்வில் விசாரிக்கப்பட உள்ளது. 

    Aug 10, 2020, 14:48 PM IST

  • பிரணாப் முகர்ஜிக்கு கொரோனா..

    முன்னாள் ஜனாதிபதி பிரணாப் முகர்ஜிக்கு கொரோனா தொற்று பாதித்துள்ளது. இதை அவர் தனது ட்விட்டர் பக்கத்தில் தெரிவித்துள்ளார். தான் வேறொரு சிகிச்சைக்காக மருத்துவமனைக்கு சென்ற போது கோவிட்19 சோதனை செய்ததாகவும், அதில் தொற்று உறுதியானதாகவும் கூறியிருக்கிறார். மேலும், தன்னுடன் கடந்த சில நாட்களாக தொடர்பில் இருந்தவர்கள் தங்களை தனிமைப்படுத்திக் கொள்ளுமாறு கேட்டு கொண்டிருக்கிறார். 

    Aug 10, 2020, 14:41 PM IST

  • குஜராத்தி்ல் முகக்கவசம் அணியாவிட்டால் ஆயிரம் ரூபாய் அபராதம்..

    குஜராத்தில் மக்கள் வீட்டை விட்டு வெளியே செல்லும் போது, முகக்கவசம் அணியாவிட்டால், ஆயிரம் ரூபா்ய் அபராதம் விதிக்கப்பட உள்ளது. நாளை முதல் இது அமலுக்கு வரும் என்று முதலமைச்சர் விஜய் ரூபானி தெரிவித்துள்ளார். 

    Aug 10, 2020, 14:33 PM IST

  • ராஜஸ்தானி்ல் நாளை மாலை பாஜக எம்.எல்.ஏ.க்கள் கூட்டம்..

    ராஜஸ்தானில் அசோக் கெலாட் தலைமையிலான காங்கிரஸ் அரசு உள்ளது. கெலாட்டுக்கு எதிராக சச்சின் பைலட் உள்பட 19 எம்.எல்.ஏக்கள் திரும்பியதால் அரசியல் குழப்பம் ஏற்பட்டுள்ளது. இதையடுத்து, வரும் 14ம் தேதி சட்டசபையில் நம்பிக்கை வாக்கெடுப்பு நடைபெற உள்ளது. இதையடுத்து, ஆளும் காங்கிரஸ், எதிர்க்கட்சி பாஜக ஆகியவை தங்கள் எம்.எல்.ஏ.க்களை ஓட்டல்களில் அடைத்து வைத்திருக்கின்றன.

    இந்நிலையில், நாளை(ஆக.11) மாலை 4 மணிக்கு பாஜக எம்.எல்.ஏ.க்கள் கூட்டம் நடைபெற உள்ளது. பாஜக எம்.எல்.ஏ.க்களில் சிலர் காங்கிரசுக்கு ஆதரவாக மாறலாம் என்ற பேச்சு எழுந்த நிலையில், இந்த கூட்டம் நடைபெறுகிறது. 

    Aug 10, 2020, 14:31 PM IST

More District news News