குழப்பம், தசை வலி, அசதியா? - அலட்சியம் பண்ணாதீர்கள்

Apr 22, 2019, 09:21 AM IST

'பி காம்ப்ளக்ஸ்' என்ற வார்த்தையை அடிக்கடி கேள்விப்பட்டிருப்போம். பாமர மக்கள் 'சத்து மாத்திரை' 'சத்து ஊசி' என்று இதை கூறுகிறார்கள். இந்த 'வைட்டமின் பி காம்ப்ளக்ஸ்' என்ற குடும்பத்தை சேர்ந்த ஒரு வைட்டமின்தான், வைட்டமின் பி6.
வைட்டமின் பி6, பைரிடாக்ஸின் என்றும் அழைக்கப்படுகிறது. இது நம் உடல் மற்றும் மனம் சார்ந்த அசைதல், நினைவாற்றல், இரத்த ஓட்டம் போன்ற பல செயல்பாடுகள் நன்றாக நடக்க தேவை. ஆரோக்கியமான வளர்சிதை மாற்றம், நரம்பு மற்றும் கல்லீரல் செயல்பாடு, நலமான சருமம் மற்றும் கண் ஆகியவற்றுக்கும் இது அவசியம்.


ஆக்ஸிஜன் என்னும் பிராணவாயுவை சுமந்து செல்லும் இரத்தத்தின் நிறமி அணுக்களான ஹீமோகுளோபின் உருவாதல், உண்ணும் உணவிலிருந்து ஆற்றலை பெறுதல், இரத்தத்தில் சர்க்கரையின் அளவை சமச்சீராக பராமரித்தல், இயற்கையான வலி நிவாரணி, உற்சாகமான மனநிலை, உடலின் நோய்எதிர்ப்பு ஆற்றல் ஆகியவைதாம் ஆரோக்கியமான நரம்பு மண்டலத்தின் அடிப்படையாகும்.


பைரிடாக்ஸின் குறைபாடு, இதய நோய், மூளை செல்கள் அழிவதால் வரும் அல்சைமர், தசை வலி, மனச்சோர்வு மற்றும் அதிக உடல் அசதி இவற்றுக்கு வழிவகுக்கும்.
ஐம்பதுக்கும் குறைந்த வயதுள்ளோருக்கு நாளொன்றுக்கு 1.3 மில்லிகிராமும் ஐம்பது வயதுக்கு மேற்பட்டோருக்கு நாளொன்றுக்கு 1.7 மில்லிகிராமும் வைட்டமின் பி6 தேவைப்படுகிறது. நாம் உண்ணும் உணவிலிருந்து உடல் இதை பெற்றுக்கொள்ள வேண்டும். வைட்டமின் பி6 நீரில் கரையக்கூடியது. ஆகவே, அனுதினமும் இது புதிதாக உடலில் சேர வேண்டும்.


நாம் உண்ணும் உணவிலுள்ள புரதத்தை உடைத்து ஆற்றலை உடல் பெற்றுக்கொள்ள வைட்டமின் பி6 அவசியம். ஆகவே, உடலில் அதிக அசதியை உணர்ந்தால், வைட்டமின் பி6 குறைபாடு இருக்கிறதா என்று சோதித்துக்கொள்ள வேண்டும். உடலின் உறுப்புகளுக்கு மூளையிலிருந்துசெய்தி சென்று சேருவதற்கு வைட்டமின் பி6 தேவை. தசை இயக்கத்தில் குறைபாடு காணப்பட்டாலும் வைட்டமின் பி6 குறைபாட்டினை அறிந்துகொள்ளலாம். அமினோஅமிலம் மற்றும் ஹேமாசிஸ்டெய்ன் ஆகியவை உடலில் அதிகம் காணப்பட்டாலும் வைட்டமின் பி6 குறைபாடு இருக்கிறதா என்று சோதிக்கவேண்டும். அமினோஅமிலம் மற்றும் ஹோமோசிஸ்டெய்ன் குறைபாட்டை நேரடியான அறிகுறிகள் மூலம் தெரிந்து கொள்ள இயலாது. அதற்கு மருத்துவ ஆய்வக பரிசோதனையே வழி. ஹோமோசிஸ்டெய்ன் அதிகமானால் மாரடைப்பு வரக்கூடும்.


மனநிலை அடிக்கடி மாறுபடுதல், மனச்சோர்வு, எரிச்சலுணர்வு, எதிர்காலத்தை குறித்த பயம், மனக்குழப்பம், தசையில் வலி, உடல் அசதி, இரத்த சோகைக்கான அறிகுறிகள், உடல் நடுக்கம், ஒற்றைத் தலைவலி மற்றும் அதிக வலி ஆகியவை வைட்டமின் பி6 என்னும் பைரிடாக்ஸின் குறைபாட்டின் அறிகுறிகளாகும்.


கோழி, வான்கோழி, வாத்து இவற்றின் இறைச்சி, முட்டை, பன்றி இறைச்சி, வேர்க்கடலை, பாதாம், முந்திரி, வாதுமை இவற்றின் கொட்டைகள், பீன்ஸ் என்னும் விதையவரை, கொண்டைக்கடலை, காராமணி போன்ற தாவரங்கள் ஆகியவற்றில் வைட்டமின் பி6 அதிகம் காணப்படுகிறது. இவற்றை போதுமான அளவு சாப்பிடுவதால் மேற்கூறிய குறைபாடுகள் வராமல் தடுக்கலாம்.

சருமம் பளபளவென்று மிளிர வேண்டுமா?


Speed News

  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST
  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST