கேரளாவில் கொட்டித் தீர்க்கும் கன மழை ரெட் அலர்ட் எச்சரிக்கையால் அணைகள் திறப்பு

by Nagaraj, Jul 20, 2019, 13:49 PM IST

கேரளாவில் கடந்த 3 நாட்களாக கனமழை கொட்டித் தீர்ப்பதால் அணைகள் வேகமாக நிரம்பி வருகின்றன. தொடர்ந்து மழை பெய்வதால் முன்னெச்சரிக்கையாக அணைகளை திறக்க உத்தரவிடப்பட்டுள்ளது.


கேரளாவில் தென் மேற்கு பருவ மழை கடந்த ஜுன் முதல் வாரம் தொடங்கினாலும், கடந்த ஒன்றரை மாதங்களாக போதிய மழை பெய்யவில்லை. இந்நிலையில் கடந்த 3 நாட்களாக கனமழை கொட்டித் தீர்க்கிறது. தொடர்ந்து கன மழை பெய்து வருவதால் கேரளாவின் தென் மாவட்டங்களான இடுக்கி, பத்தனம்திட்டை, கொல்லம் மாவட்டங்களில் ரெட் அலர்ட் விடப்பட்டுள்ளது.


கனமழையால் கேரளாவில் உள்ள பல ஆறுகளிலும் வெள்ளப்பெருக்கு ஏற்பட்டுள்ளது. ஆடி மாத பூஜைக்காக சபரிமலை திறக்கப் பட்டுள்ள நிலையில், பம்பை நதியிலும் வெள்ளம் பெருக்கெடுத்துள்ளது. இதனால் பக்தர்கள் கடும் சிரமத்திற்கு ஆளாகியுள்ளனர். பம்பை நதியில் பக்தர்கள் குளிக்கவும் தடை விதிக்கப்பட்டுள்ளது.


கனமழையால் கேரளாவில் உள்ள அணைகளும் வேகமாக நிரம்பி வருகின்றன.கடந்த ஆண்டும் இதே போல் பெய்த வரலாறு காணாத கனமழையால், மாநிலத்தின் 80 அணைகளும் வேகமாக நிரம்பி ஒரே நேரத்தில் திறக்கப்பட்டன. தொடர்ந்து மழையும் பெய்ததால் மாநிலமே வெள்ளத்தில் மூழ்கியது. மொத்தமுள்ள 14 மாவட்டங்களில் 13 மாவட்டங்கள் மழையால் பாதிக்கப்பட்டன. கடந்த ஆண்டு
வெள்ளத்தின் பாதிப்பில் இருந்து கேரளா மீண்டெழ பல மாதங்கள் ஆனது.


இதனால் தற்போது பெய்து வரும் கனமழையால் ஆறுகளில் வெள்ளப் பெருக்கு ஏற்பட்டிப்பதாலும், அணைகளுக்கு வரும் நீரின் அளவு அதிகரித்துள்ளதாலும் அபாய கட்டத்தை எட்டியுள்ள அணைகளை முன்கூட்டியே திறக்க கேரள அரசு உத்தரவிட்டுள்ளது.


இதையடுத்து, இடுக்கி மாவட்டம் கல்லார் அணை நிரம்பும் நிலையில் உள்ளதால் இன்று காலை திறக்கப்பட்டது. முதற் கட்டமாக ஒரு ஷட்டர் மட்டும் திறக்கப்பட்டு, தொடர்ந்து அணையில் இருந்து வெளியேற்றப்படும் தண்ணீரின் அளவு கொஞ்சம் கொஞ்சமாக அதிகரிக்கப்பட்டு வருகிறது. இதே போன்று மற்ற அணைகளும் கண்காணிக்கப்பட்டு அடுத்தடுத்து திறந்து விட நடவடிக்கைகள் மேற்கொள்ளப்பட்டு வருகிறது. கேரளாவில் பெய்து வரும் கனமழையால் பெரியாறு அணைக்கான நீர்வரத்தும் தொடர்ந்து அதிகரித்து வருவது தமிழக விவசாயிகளுக்கு மகிழ்ச்சியை ஏற்படுத்தியுள்ளது.


இதே போல் சீசன் தொடங்கியும் பல நாட்களாக வறண்டு கிடந்த குற்றாலம் அருவிகளிலும் தண்ணீர் ஆர்ப்பரித்து விடுகிறது . இதனால் குற்றாலத்திற்கு படையெடுக்கும் சுற்றுலாப் பயணிகள் எண்ணிக்கையும் கடந்த 2 நாட்களாக அதிகரித்துள்ளது.

குற்றாலத்தில் சாரல் தொடங்கியாச்சி.. குதூகல குளியலுக்கு தயாரா?


Speed News

  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST
  • டெல்லியில் 87 ஆயிரம் பேருக்கு

    கொரோனா பாதிப்பு

    டெல்லியில் நேற்று புதிதாக 2179 பேருக்கு கொரோனா தொற்று உறுதி செய்யப்பட்டது. இத்துடன் இங்கு கொரோனா பாதித்தவர் எண்ணிக்கை 87,360 ஆக உயர்ந்துள்ளது. இதில் 58,348 பேர் குணம் அடைந்துள்ளனர். நேற்று பலியான 62 பேரையும் சேர்த்து மொத்த உயிரிழப்பு 2741 ஆக உள்ளது.

    Jul 1, 2020, 13:45 PM IST