20 வயதான ரஷீத்கான்.. ஆப்கன் கிரிக்கெட் அணியின் புதிய கேப்டன்

by Nagaraj, Jul 12, 2019, 22:46 PM IST

ஆப்கானிஸ்தான் கிரிக்கெட் அணியின் கேப்டனாக 20 வயதான ரஷீத்கான் நியமிக்கப்பட்டுள்ளார். ஒரு நாள் , டி-20, டெஸ்ட் என அனைத்துக்கும் ரஷீத்கான் கேப்டனாக இருப்பார் என்று அறிவிக்கப்பட்டுள்ளது.

இங்கிலாந்தில் நடைபெற்று வரும் உலகக் கோப்பை கிரிக்கெட் தொடரில் குல்பதீன் நபி தலைமையில் ஆப்கானிஸ்தான் அணி பங்கேற்றது.லீக் சுற்றுப் போட்டிகளில் ஆடிய 9 போட்டிகளிலும் தோல்வியையே சந்தித்த ஆப்கன், புள்ளிப் பட்டியலில் கடைசி இடம் பெற்று சோகத்துடன் நாடு திரும்பியது. இந்தப் படுதோல்வியால் கேப்டன் குல்பதின் நபியின் பதவி பறிக்கப்பட்டுள்ளது.

நபிக்கு பதிலாக 20 வயதான இளம் சுழற்பந்து வீச்சாளரான ரஷீத்கானை கேப்டனாக அறிவித்துள்ளது ஆப்கானிஸ்தான் கிரிக்கெட் வாரியம். இவர் டெஸ்ட், ஒரு நாள் மற்றும் டி20 போட்டிகள் என அனைத்துக்குமே கேப்டனாக இருப்பார் என்று அறிவிக்கப்பட்டுள்ளது. துணை கேப்டனாக ஆஸ்கர் ஆப்கன் நியமிக்கப்பட்டுள்ளார். இவர் உலகக் கோப்பை தொடருக்கு முன்னர் ஆப்கன் அணியின் ஒரு போட்டிக்கான கேப்டனாக இருந்தார். இவர் கேப்டனாக விளையாடிய 56 ஒரு நாள் போட்டிகளில் 36 போட்டிகளில் வெற்றி தேடித் தந்த நிலையில், உலககோப்பை தொடருக்காக குல்ப தீன் நபி கேப்டனாக அறிவிக்கப்பட்டது பெரும் சர்ச்சையை ஏற்படுத்தியது குறிப்பிடத்தக்கது.

தற்போது டெஸ்ட் அணியின் கேப்டனாக ரஹ்மத் ஷா இருந்து வந்தார். அனைத்துவிதமான போட்டிகளுக்கும் ஒரே கேப்டன் என்ற நிலைப்பாடை எடுத்து தற்போது 20 வயதான இளம் வீரர் ரஷீத் கானிடம் பெறுப்பை ஒப்படைத்துள்ளது ஆப்கன் கிரிக்கெட் வாரியம். வரும் செப்டம்பரில் வங்கதேசத்துடன் ஒரு டெஸ்ட் போட்டியிலும், அடுத்து வெஸ்ட் இண்டீஸ் அணியுடன் 3 ஒருநாள், 3 டி-20 , ஒரு டெஸ்ட் போட்டியில் ஆடவுள்ளது ஆப்கானிஸ்தான் அணி .


Speed News

  • சமயத் தலைவர்களுடன் 

    தலைமை செயலர் ஆலோசனை

    கொரோனா ஊரடங்கு கட்டுப்பாடுகள் தளர்த்தப்பட்ட நிலையில், வரும் 6ம் தேதி முதல் வழிபாட்டுத் தலங்களை திறக்கலாம் என்று மத்திய அரசு அறிவித்துள்ளது. தமிழகத்தில் இது தொடர்பாக முடிவெடுப்பதற்காக இன்று மாலை 4.45 மணியவில் ஆலோசனைக் கூட்டம் நடைபெற்றது. தலைமைச் செயலகத்தில் பல்வேறு சமயத் தலைவர்களுடன் இன்று மாலை நடக்கும் கூட்டத்தில் தலைமைச் செயலாளர் சண்முகம் ஆலோசனை நடத்தவுள்ளார். 

    Jun 3, 2020, 14:46 PM IST
  • சென்னை ராயபுரத்தில் 
    3 ஆயிரம் பேருக்கு கொரோனா
     
    சென்னையில் இது வரை 16,585 பேருக்கு கொரோனா பாதித்துள்ளது. குறிப்பாக, ராயபுரம் மண்டலத்தில்  3,060 பேருக்கு கொரோனா தொற்று உறுதி செய்யப்பட்டுள்ளது. மற்ற மண்டலங்களில் பாதிப்பு வருமாறு:   கோடம்பாக்கம் - 1,921, தண்டையார்பேட்டை -  2,007, திரு.வி.க.நகர் -  1,711, தேனாம்பேட்டை - 1,871, அண்ணாநகர் - 1,411, வளசரவாக்கம் -  910, அடையாறு - 949, அம்பத்தூர் - 619, திருவொற்றியூர் - 559, மாதவரம் - 400, மணலி - 228, பெருங்குடி - 278
    ஆலந்தூர் - 243, சோழிங்கநல்லூர் - 279
     

     
    Jun 3, 2020, 14:42 PM IST
  • டெல்லி அரசில் சம்பளம்

    போட பணம் இல்லை..

    டெல்லி துணை முதல்வர் மணீஷ் சிசோடியா இன்று அளித்த பேட்டியில், ‘‘டெல்லி அரசு ஊழியர்களுக்கு சம்பளம் போடவும், சாதாரணச் செலவுகளுக்கும் மாதம் ரூ.3500 கோடி தேவை. ஆனால், கடந்த 2 மாதங்களாக ஜி.எஸ்.டி வசூல் தலா ரூ.500 கோடி அளவில்தான் உள்ளது. மற்ற வழிகளிலும் ரூ.1735 கோடி வருவாய் மட்டுமே கிடைத்துள்ளது. எனவே, மத்திய அரசாங்கம் டெல்லி அரசுக்கு உடனடியாக ரூ.5 ஆயிரம் கோடி நிதி அளிக்க வேண்டும்’’ என்றார். 

    May 31, 2020, 14:10 PM IST
  • தொழிலாளர்களுக்கு எவ்வளவு

    கொடுத்தீர்கள்.. கபில்சிபல் கேள்வி

     

    காங்கிரஸ் மூத்த தலைவர் கபி்ல் சிபில், பிரதமர் மோடிக்கு ஒரு கேள்வி எழுப்பியுள்ளார். அவர் கூறுகையில், ‘‘பி.எம். கேர் நிதியில் இருந்து இது வரை எத்தனை தொழிலாளர்களுக்கு எவ்வளவு பணம் கொடுத்தீ்ர்கள்? இந்த ஊரடங்கு காலத்தில் பல தொழிலாளர்கள் பலியாகியுள்ளனர். சிலர் ரயிலில் இறந்து்ள்ளார்கள். சில நடக்கும் போது இறந்துள்ளார்கள். சிலர் பசியால் மடிந்துள்ளார்கள். நீங்கள் எவ்வளவு தொகை கொடுத்தீ்ர்கள் என்று பதில் கூற வேண்டும்’’ என்றார்

    May 31, 2020, 14:07 PM IST
  • தெருவுக்கு வாங்கய்யா..

    யஷ்வந்த் சின்கா ட்விட்

    முன்னாள் மத்திய அமைச்சர் யஷ்வந்த் சின்கா இன்று ஒரு ட்விட் பதிவிட்டுள்ளார். அதில், ‘‘ஏழைகளின் துயரங்களை கவனிக்காமல், மத்திய அரசு கண்களையும், காதுகளையும் மூடிக் கொண்டிருக்கும் போது, எதிர்க்கட்சிகள் வெறும் மனுக்களை கொடுத்து கொண்டிருப்பது சரியா? இதற்கு மேலும் வெறும் அறிக்கைகள் எதுவும் பலனளிக்காது. எதிர்க்கட்சிகள் அனைத்தும் தெருவுக்கு வந்து போராட வேண்டும்’’ என்று கூறியுள்ளார். 

    May 23, 2020, 14:18 PM IST