உலக டெஸ்ட் சாம்பியன்ஷிப் தொடர் : இந்தியா vs மே.இ.தீவுகள் இன்று முதல் மோதல்

மே.இ.தீவுகளுக்கு எதிரான முதல் டெஸ்ட் போட்டியில் இந்தியா இன்று பங்கேற்கிறது. முதல் முறையாக அறிமுகப்படுத்தப்பட்டுள்ள உலக டெஸ்ட் சாம்பியன்ஷிப் தொடரிலும் இந்தியா மற்றும் மே.இ.தீவுகள் மோதும் முதல் போட்டியாகவும் இந்தப் போட்டி அமைந்துள்ளதால், முதல் வெற்றியை சுவைக்க இரு அணிகளுமே பலப்பரீட்சைக்கு தயாராகியுள்ளன.

கோஹ்லி தலைமையிலான இந்திய கிரிக்கெட் அணி மே.இ.தீவுகளில் சுற்றுப்பயணம் செய்து விளையாடி வருகிறது. முதலில் 3 போட்டிகள் கொண்ட டி20 தொடரை 3-0 என்ற கணக்கில் இந்தியா வெற்றி பெற்றது. அடுத்து 3 போட்டிகள் கொண்ட ஒரு நாள் தொடரிலும், ஒரு போட்டி கைவிடப்பட்ட நிலையில், 2-0 என அபார வெற்றியை இந்தியா பதிவு செய்தது.

அடுத்ததாக 2 போட்டிகள் கொண்ட டெஸ்ட் தொடரின் முதல் போட்டி இன்று மாலை 7 மணிக்கு ஆன்டிகுவாவில் இன்று தொடங்குகிறது. ஐ.சி.சி முதல் முறையாக அறிமுகம் செய்துள்ள உலக டெஸ்ட் சாம்பியன்ஷிப் போட்டித் தொடருக்கும் இந்த இரு போட்டிகளும் கணக்கில் எடுத்துக் கொள்ளப்பட உள்ளன. இதனால் இன்றைய முதல் டெஸ்ட் போட்டி இரு அணிகளுக்குமே முக்கியமான ஒன்றாக அமைந்துள்ளது.

உலக டெஸ்ட் சாம்பியன்ஷிப் போட்டித் தொடர் எவ்வாறு நடத்தப்படுகிறது என்பது பற்றிய சில விபரங்கள்: உலக டெஸ்ட் சாம்பியன்ஷிப் போட்டிகள் கடந்த 1-ந்தேதி தொடங்கி வரும் 2021 ஏப்ரல் மாதம் வரை என 2 ஆண்டுகள் வரை நடத்த ஐசிசி முடிவு செய்துள்ளது. இதில் இந்தியா, ஆஸ்திரேலியா உட்பட 9 அணிகள் பங்கேற்கின்றன.

ஒவ்வொரு அணிகளும் ஏதாவது 3 அணிகளுடன் உள்ளூர், வெளிநாடு என குறைந்தது 6 தொடர்களில் பங்கேற்கும். குறைந்தது 2 அதிகபட்சம் 5 போட்டிகள் கொண்ட டெஸ்ட் தொடராக இருக்க வேண்டும்.ஒரு தொடருக்கு மொத்தம் 120 புள்ளிகள் தரப்படும். தொடரில் நடக்கும் போட்டிகள் எண்ணிக்கைக்கு ஏற்ப, புள்ளிகள் மாறுபடும்.

மழை அல்லது வேறு காரணத்துக்காக போட்டி கைவிடப்பட்டால், 'டிரா' ஆனதாக கணக்கில் கொள்ளப்பட்டு, புள்ளிகள் பகிர்ந்தளிக்கப்படும். இந்தியா, மே.இ.தீவுகள் அணிகள் இரு போட்டிகள் கொண்ட இத் தொடரில் மோதுகின்றன. இதனால் ஒரு டெஸ்டில் வென்றால் 60 புள்ளி பெறலாம். 'டிரா' செய்தால் 20 புள்ளி, 'டை' ஆனால் 30 புள்ளி பெறலாம். இரு டெஸ்டில் வென்றால் 120 புள்ளிகள் கிடைக்கும்.

லீக் முறையில் நடக்கும் உலக டெஸ்ட் சாம்பியன்ஷிப் போட்டிகளின் முடிவில் புள்ளிப்பட்டியலில் பல அணிகள் சம புள்ளிகள் பெற்றால், வென்ற தொடர்கள், எடுத்த ரன்கள், வீழ்த்திய விக்கெட்டுகள் என பலவும் கணக்கிடப்பட்டு, பைனலில் மோதும் 'டாப் இரு அணிகள் முடிவு செய்யப்படும். பைனல் 'டிரா' அல்லது 'டை' ஆனால், கோப்பை பகிர்ந்து தரப்படும்.

இன்று இந்திய அணி உலக டெஸ்ட் சாம்பியன்ஷிப் தொடரில் முதன் முறையாக களமிறங்குகிறது. வெள்ளை நிற ஜெர்சியில் இந்திய வீரர்கள் முதன் முறையாக தங்களது எண் பொறித்த ஜெர்சியில் களமிறங்குகின்றனர்.

இந்திய டெஸ்ட் போட்டியில் இந்திய அணி வெற்றி பெறும் பட்சத்தில் கேப்டன் கோஹ்லி மேலும் ஒரு சாதனை படைக்க வாய்ப்புள்ளது. டெஸ்ட் போட்டிகளில் இந்திய அணிக்கு அதிக வெற்றிகள் தேடித் தந்த கேப்டன்கள் வரிசையில் தோனி,60 போட்டிகளில் விளையாடி 27 வெற்றிகளை பதிவு செய்து முதலிடத்தில் உள்ளார். 46 போட்டிகளில் விளையாடி 26 போட்டிகளில் வெற்றியை தேடித் தந்துள்ள தற்போதைய கேப்டன் கோஹ்லி 2-வது இடத்தில் உள்ளார். இன்றைய முதல் டெஸ்டில் வென்றால் தோனியின் சாதனையை கோஹ்லி சமன் செய்யலாம்.

இன்றைய முதல் டெஸ்ட் போட்டி மழையால் அதிகம் பாதிக்கப்பட வாய்ப்புள்ளது என்று வானிலை நிலவரம் அச்சுறுத்துகிறது. ஆன்டிகுவாவில் போட்டி நடைபெறும் ஐந்து நாட்களிலும் மழை வர 81 சதவீதம் வாய்ப்புள்ளது என்றும் அதிகபட்சம் 88 சதவீதம் வரை மழை வரலாம் என்பதால் போட்டி முழுமையாக நடப்பது சந்தேகம் தான் என்றும் கூறப்படுகிறது.

இந்திய கிரிக்கெட் அணியின் தலைமை பயிற்சியாளராக ரவி சாஸ்திரி மீண்டும் தேர்வு

எங்களுடைய தமிழ் செய்திகளை உங்கள் மெயில் இன்பாக்சில் பெறுவதற்கு இங்கே உங்கள் மெயில் ஐடியை பதிவு செய்யவும் : Tamil news RSS

OR You can install Google News on Android or iOS, and then access our edition https://news.google.com/publications/CAAqBwgKMP_rkQsw3YOnAw?oc=3&ceid=IN:ta through the app.

Advertisement
மேலும் செய்திகள்
kohli-beat-rohit-sharma-in-t20-top-scorer
டி-20 கிரிக்கெட்: ரோகித்தை பின்னுக்குத் தள்ளி கோலி முதலிடம்!
vineshphogat-selected-to-play-in-olympics
ஒலிம்பிக் போட்டிக்கு தகுதி பெற்ற ரியல் தங்கல் நாயகி!
ashes-test-cricket-ended-in-tie
ஸ்டீவ் ஸ்மித் உலக சாதனை படைத்தும் டிராவில் முடிந்த ஆஷஸ் தொடர்!
dhoni-will-continue-as-csk-captain-next-ipl-also
அடுத்த ஆண்டும் தோனி தான் கேப்டன்… ஸ்ரீனிவாசன் உறுதி!
stewsmith-breaks-world-record
இன்சமாம் உல் அக்கின் உலகசாதனையை முறியடித்த ஸ்டீவ் ஸ்மித்!
india-pakistan-play-davis-cup-tennis-this-year-end
டேவிஸ் கோப்பை: பாகிஸ்தானுடன் மோதுகிறது இந்தியா!
fifa-u17-female-worldcup-held-next-year-in-india
இந்த வருஷம் இல்ல அடுத்த வருஷம் தான் ரியல் பிகில் ஆரம்பம்!
david-warner-poor-play-in-ashes-test
இந்தியாவில் அசத்திய வார்னருக்கு இங்கிலாந்தில் இப்படியொரு கதியா?
shubmangill-play-in-test-instead-of-klrahul
ராகுல் நீங்க ரெஸ்ட் எடுங்க.. சுப்மன் கில் நீங்க களத்துல இறங்குங்க!
rabada-degrading-viratkohli
கோலி இந்த ஏரியாவில் கில்லி இல்லையா? – ரபாடாவுக்கு குவியும் கண்டனங்கள்
Tag Clouds