97-வது பட்டம் வென்றார் ரோஜர் பெடரர்!

ரோட்டர்டாம் ஓப்பன் டென்னிஸ் தொடரை வென்றதன் மூலம் தனது 97-வது டென்னிஸ் பட்டத்தைப் பெற்றுள்ளார் ரோஜர் பெடரர்.

நெதர்லாந்தில் உள்ள ரோட்டர்டம் பகுதியில்  நடைபெற்ற ரோட்டர்டம் டென்னிஸ் ஓப்பன் தொடரில் வெற்றி பெற்றதன் மூலம் மீண்டும் உலகின் நம்பர் 1 வீரராக முன்நின்றுள்ளார் ரோஜர் பெடரர்.

36 வயதாகும் பெடரர் தனது டென்னிஸ் பயணத்தில் இதுவரையில் 97 முறை தொடர்களின் ஒட்டுமொத்தப் பட்டத்தைக் கைப்பற்றியுள்ளார். இந்த ரோட்டர்டம் தொடரில் இறுதிப்போட்டியில் பல்கேரியாவின் டிமிட்ரோவைச் சந்தித்த பெடரர் தொடரை 6-2, 6-3 என்று எளிதாகவே கைப்பற்றினார்.

இதன் மூலம் சர்வதேச டென்னிஸ் தரவரிசைப் பட்டியலில் மீண்டும் நம்பர் 1 இடத்தைத் தக்கவைத்துள்ளார் பெடரர். விரைவில் தொடங்கவுள்ள துபாய் ஓப்பன் டென்னிஸ் தொடரில் பங்கேற்பது குறித்து இதுவரையில் முடிவெடுத்திராத பெடரர் இந்தச் சாதனையை செய்த முதல் வீரர் என்ற பெருமையைப் பெறுகிறார்.

You'r reading 97-வது பட்டம் வென்றார் ரோஜர் பெடரர்! Originally posted on The Subeditor Tamil