போகோ எம்2 ரீலோடட் ஸ்மார்ட்போன்: குவாட் காமிராவுடன் விற்பனையாகிறது

கடந்த ஆண்டு அறிமுகம் செய்யப்பட்ட போகோ எம்2 ஸ்மார்ட்போன், தற்போது இயக்கவேகம் 4 ஜிபியாக குறைக்கப்பட்டு ரீலோடட் வடிவமாக விற்பனைக்கு வந்துள்ளது. பெருந்தொற்று காரணமாக இதன் அறிமுகம் ட்விட்டர் மூலமாக நடந்தது. ஏப்ரல் 21ம் தேதி பிற்பகல் 3 மணி முதல் ஃபிளிப்கார்ட் தளத்தில் விற்பனை ஆரம்பித்துள்ளது.

போகோ எம்2 ரீலோடட் ஸ்மார்ட்போனின் சிறப்பம்சங்கள்:

சிம்: இரட்டை நானோ சிம்கள்
தொடுதிரை: 6.53 அங்குலம் எஃப்எச்டி+ (1080X2340 பிக்ஸல்), கார்னிங் கொரில்லா கிளாஸ் 3
இயக்கவேகம்: 4 ஜிபி
சேமிப்பளவு: 64 ஜிபி (மைக்ரோ எஸ்டி மூலம் 512 ஜிபி வரை உயர்த்தலாம்)
செல்ஃபி காமிரா: 8 எம்பி ஆற்றல்
பின்புற காமிரா: 13 எம்பி + 8 எம்பி + 5 எம்பி + 2 எம்பி (ரியர் குவாட் காமிரா)
118 டிகிரி வியூ, அல்ட்ரா வைடு ஆங்கிள் லென்ஸ், டெப்த் சென்ஸார் வசதிகள் உள்ளன.
பிராசஸர்: மீடியாடெக் ஹீலியோ ஜி80 SoC
இயங்குதளம்: ஆண்ட்ராய்டு 10
மின்கலம்: 5000 mAh

டூயல் பேன் வைஃபை 802.11 ஏசி, 4 ஜி VoLTE, புளூடூத் 5.0, ஐஆர் பிளாஸ்டர், ஜிபிஎஸ், 3.5 மிமீ ஹெட்போன் ஜாக், யூஎஸ்பி டைப்-சி போர்ட் கொண்ட போகோ எம்2 ரீலோடட் ஸ்மார்ட்போன் ரூ.9,499/- விலையில் விற்பனையாகிறது.

ஆக்ஸிஸ் வங்கி கிரடிட் கார்டுகளுக்கு ஃபிளிப்கார்ட்டில் 5 சதவீதம் தள்ளுபடியும், பரோடா வங்கி மாஸ்டர் டெபிட் கார்டுகளின் முதல் பரிவர்த்தனைக்கு 10 சதவீதம் தள்ளுபடியும் அறிவிக்கப்பட்டுள்ளது.

You'r reading போகோ எம்2 ரீலோடட் ஸ்மார்ட்போன்: குவாட் காமிராவுடன் விற்பனையாகிறது Originally posted on The Subeditor Tamil