ஓபிஎஸ் -ஈபிஎஸ் மல்லுக்கட்டு–தேர்தலில் அதிமுக வேட்பாளர்கள் நிலை அம்போ

by Suganya P, Mar 26, 2019, 11:00 AM IST

அதிமுகவில் ஜெயலலிதா இருந்தவரை மாவட்டம், வட்டம் என அனைத்து அணிகளும் ஒன்றிணைந்து தேர்தல் வேலைளைக் கவனித்தனர். உட்கட்சி பூசல்கள் இருந்தாலும் வெளியே காட்டிக் கொள்ளாமல் தேர்தல் பணிகளைச் சிறப்பாகச் செய்து வந்தனர்.

 

ஆனால், நிலைமை தற்போது தலைகீழாக மாறிவிட்டது. ஜெ.,வின் மறைவை அடுத்து  ஓபிஎஸ் – ஈபிஎஸ் அணியாக உடைந்தது அதிமுக. அதன் பின்னர், நடந்த களேபரங்கள், சமரசப் பேச்சு, முக்கிய பதவி வழங்கள் என மீண்டும் இரு அணி ஓர் அணியாக இணைந்த கதை அறிந்த ஒன்றுதான். என்னதான், இணைந்தாலும் தாமரை இலையில் ஒட்டாத நீரைப் போலவே கட்சி நிர்வாகிகள் தேர்தல் பணிகளைச் செய்கின்றனர் என அதிமுக வேட்பாளர்கள் புலம்புகின்றனர்.

கடுகடுப்பில் ஆதரவாளர்கள்..,

ஓபிஎஸ் தனி அணியாகப் பிரிந்தபோது அவருடன் பக்கபலமாக மைத்ரேயன் இருந்தார். பிரதமர் மோடிக்கும் ஓபிஎஸ்-க்கும் பாலமாக மைத்ரேயன் செயல்பட்டார். ஆகையால், தேர்தலில் முக்கிய இடம் ஒதுக்குவார்கள் என பெரிதும் எதிர்பார்த்தார். கிடைத்து ஏமாற்றம். அனைத்து, பொறுப்புகளிலும் இருந்து மௌனமாக ஓரக்கப்பட்டப்பார் மைத்ரேயன். இதனால், அவர் கட்சி பக்கமும், தேர்தல் பணிகளிலும் தலைகாட்டவில்லை என்று அதிமுகவினர் கூறுகின்றனர்.

இதுமட்டுமல்லாமல், இந்த தேர்தலில் ஓபிஎஸ் ஆதரவாளர்கள் அனைவரும் ஓரங்கட்டப்படுகின்றனர் என முணுமுணுக்கின்றன கட்சி வட்டாரங்கள். தேர்தல் பணிகள் தொடர்பான வேண்டுகோள் அறிக்கைகள் ஈபிஎஸ் மட்டுமே தனியாக வெளியிடுகிறார். தேர்தல் பரப்புரையையும் அவர், தன்னிச்சையாகத் தொடங்கியுள்ளதால், ஈபிஎஸ் ஆதரவாளர்களின் கைகள் ஓங்கி வருகிறது. இதனால், நிர்வாகிகளுக்குள் பிளவு ஏற்பட்டிருக்கிறது.

தேர்தலில் முக்கிய இடங்கள் ஒதுக்கப்படாமல், புறக்கணிக்கப்பட்டதால்  கடுப்பில்  ஓபிஎஸ்  ஆதரவாளர்கள் இருக்கின்றனர். அவரும், தன மகனுக்கு சீட் வழங்கப்பட்டதால் ‘கப் சிப்’ ஆக இருக்கிறார் எனப் புலம்பித் தள்ளுகின்றனர் ஓபிஎஸ் ஆதரவாளர்கள். அதனால், அதிமுக போட்டியிடும் தொகுதிகளில் தேர்தல் பிரச்சாரப் பணிகள் தொய்வாக இருக்கிறது என முக்கிய நிர்வாகிகள் கூறுகின்றனர்.

அம்மாவுக்கு பிறகு அதிகாரத்துடன் ‘கல்தா’ கொடுக்க அதிமுகவில் ஆள் இல்லை. இந்த நிலை இப்படியே தொடர்ந்தால், எதிர்க்கட்சிகளுக்குச் சாதகமாக வாய்ப்பு உள்ளது. அதிமுக வேட்பாளர்களின் நிலையும் ‘அம்போ’ என அதிமுக வட்டாரங்கள் தெரிவிக்கின்றன.  


Speed News

  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST
  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST