ஏ.ஆர்.முருகதாஸ் இயக்கத்தில் ரஜினி நடித்துவரும் தர்பார் படத்தின் படப்பிடிப்பு மும்பையில் பரபரப்பாக நடந்துவருகிறது. அப்படத்தில் நயன்தாராவின் கதாபாத்திரம் குறித்த தகவல் ஒன்று கசிந்துள்ளது.
கார்த்திக் சுப்பராஜ் இயக்கத்தில் வெளியான பேட்ட படத்தைத் தொடர்ந்து ஏ.ஆர்.முருகதாஸ் இயக்கத்தில் நடித்துவருகிறார் ரஜினி. ரஜினியின் 167வது படமான இதன் படப்பிடிப்பு கடந்த 10ஆம் தேதி துவங்கி மும்பையில் விறுவிறுப்பாக நடந்துவருகிறது. தற்பொழுது ரஜினியுடன் நயன்தாராவுக்கான காட்சிகள் தற்பொழுது படமாக்கப்பட்டு வருகிறதாம். இதில் ரஜினிக்கு ஜோடியாக நயன் நடிக்கவில்லையாம். நெகட்டிவ் கேரக்டர் ஒன்றில் படத்தில் நடிக்கிறார் நயன்தாரா என்கிற தகவல் கசிந்துள்ளது.
ரஜினிக்கு ஜோடியாக சந்திரமுகி படத்தில் நடித்தார் நயன்தாரா. பின் குசேலனில் இருவரும் நடிகர் - நடிகையாகவே நடித்தனர். தவிர, சிவாஜி படத்தின் அறிமுக பாடலில் ரஜினியுடன் நடனமாடினார். பின், மீண்டும் ரஜினி - நயன் காமினேஷன் தற்பொழுது உருவாகியிருப்பது குறிப்பிடத்தக்கது.
ரஜினியுடன் தர்பார் படத்தில் மட்டுமல்லாமல், விஜய்யுடன் தளபதி 63 படத்திலும் நாயகியாக நடித்துவருகிறார் நயன்தாரா என்பது கூடுதல் தகவல்.
