உள்ளாட்சித் தேர்தலை அதிமுக அரசு நடத்தாதது ஏன்? நாங்குனேரியில் ஸ்டாலின் கேள்வி

by எஸ். எம். கணபதி, Oct 8, 2019, 23:34 PM IST

அதிமுக அரசு இவ்வளவு நாளாக உள்ளாட்சித் தேர்தல் நடத்தாததற்கு காரணம் அதிமுக தோற்கும் என்பதால்தான் என்று நாங்குனேரியில் ஸ்டாலின் கூறினார்.

திமுக தலைவர் மு.க.ஸ்டாலின் இன்று(அக்.8) நாங்குநேரி சட்டமன்றத் தொகுதிக்குட்பட்ட பாளையசெட்டிகுளம், அரியகுளம், மேலகுளம், உள்ளிட்ட பகுதிகளில் காங்கிரஸ் வேட்பாளர் ரூபி மனோகரனுக்கு ஆதரவாக பிரச்சாரம் செய்தார். அப்போது மக்களிடையே அவர் பேசியதாவது:

கடந்த 8 ஆண்டுகளாக ஆட்சியில் இருக்கும் அமைச்சர்களோ, ஆளும் கட்சியைச் சார்ந்தவர்களோ, இதுவரை ஒரு முறையேனும் உங்களை நேரடியாக வந்து சந்தித்து, உங்கள் குறைகளைக் கேட்டிருக்கிறார்களா? இப்படிக் கேட்டது கிடையாது.
எதிர்க்கட்சியாக இருக்கின்ற இந்தநேரத்திலும், தமிழ்நாட்டில் உள்ள எல்லா ஊராட்சிகளுக்கும் சென்று, அந்தப் பகுதிகளில் இருக்கும் மக்களிடமெல்லாம் குறைகளைக் கேட்டிருக்கிறோம். குடிநீர்ப் பிரச்சினை, வேலைவாய்ப்பு, முதியோர் உதவித்தொகை, நூறு நாள் வேலை வாய்ப்புப் பிரச்சினை, ரேஷன் கடைப் பிரச்சினை, சாக்கடைப் பிரச்சினை, பேருந்து வழித்தடப் பிரச்சினை, மருத்துவமனை இல்லாத சூழ்நிலை, மகளிர் சுய உதவிக் குழு பிரச்சினைகளைப் பற்றியெல்லாம் கூறினீர்கள். இந்த பிரச்சினைகள் எல்லாம் மிகச் சுலபமாகத் தீர்த்து வைக்கக்கூடிய பிரச்சினைகள். இதற்கு, பல கோடி ரூபாய் நிதி ஒதுக்கி செய்ய வேண்டிய அவசியம் கிடையாது.
உள்ளாட்சித் தேர்தலை இந்த ஆட்சி கடந்த 8 ஆண்டுகளாக நடத்தவில்லை. ஊராட்சி, நகராட்சி, மாநகராட்சி, பேரூராட்சி என பல்வேறு உள்ளாட்சி அமைப்புகளுக்கும் தலைவர்கள் இருந்தார்கள் என்றால், இந்த சின்னச் சின்னப் பிரச்சினைகளை எல்லாம் எளிதாகத் தீர்த்து வைக்க முடியும். அந்த உள்ளாட்சித் தேர்தலை இதுவரை நடத்தவில்லை. ஏன் நடத்தவில்லை என்றால், இதில் அ.தி.மு.க வெற்றி பெறாது என்று அவர்களுக்கே நன்றாகத் தெரியும். அதனால், வேண்டுமென்றே உள்ளாட்சித் தேர்தலை நடத்தாமல் இருக்கிறார்கள்.
அதனால்தான் நாங்கள் திரும்பத் திரும்பச் சொல்கிறோம். தி.மு.க.தான் அடுத்து தமிழ்நாட்டில் ஆட்சிக்கு வரப்போகிறது. ஆட்சிக்கு வந்தவுடன் உள்ளாட்சித் தேர்தல் நடத்தப்படும். இப்போது நீங்கள் சொன்ன அனைத்துப் பிரச்சினைகளையும் உள்ளாட்சி அமைப்புகள் மூலமாகச் செய்து முடித்திட முடியும்.

உங்களுடைய குறைகளை ரூபி மனோகரன் மூலமாக தீர்த்துவைக்கும் பணிகளிலும் என்னை நான் ஈடுபடுத்திக் கொள்வேன் என்ற அந்த உறுதியை உங்களிடத்தில் எடுத்துச் சொல்லி, வரும் 21ம் தேதி நடைபெறும் நாங்குநேரி சட்டமன்றத் தொகுதி இடைத்தேர்தலில் ரூபி மனோகரனுக்கு வாக்களிக்க கேட்டுக்கொள்கிறேன்.
கொள்ளையடிப்பதற்கு – கமிசன் வாங்குவதற்கு – ஊழல் செய்வதற்கு – கரப்ஷன் – கலெக்ஷன் – கமிஷன் போன்ற வேலைகளில் ஈடுபட்டுத்தான் இந்த ஆட்சி நடந்துகொண்டிருக்கிறது. மக்களைப் பற்றி இப்பொழுது இருக்கும் எடப்பாடி தலைமையிலான ஆட்சி கவலைப்படுவதேயில்லை.

எப்படி நீங்கள் தி.மு.க.,வின் மீதும், அதன் கூட்டணிக் கட்சியான காங்கிரஸ் கட்சியின் மீதும், அதேபோல், எங்கள் கூட்டணியில் இருக்கும் அனைத்துக் கட்சிகளின் மீதும் நம்பிக்கை வைத்து கடந்த சட்டமன்றத் தேர்தலிலும், மக்களவைத் தேர்தலிலும் வாக்களித்தீர்களோ, அதேபோல், இப்போது இந்த நாங்குநேரி தொகுதியில் நடைபெறும் இந்த இடைத்தேர்தலிலும் வாக்களித்திட வேண்டும்.
இவ்வாறு அவர் பேசினார்.


Speed News

  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST
  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST